ЕАШ аҳәынҭқарратә маӡаныҟәгаҩ иҟаиҵаз аҳәамҭала, Украина имҩаԥысуа ахҭысқәа Укарина мацара иадҳәалам, ари Москва имҩаԥнаго адестабилизациатә, ишәарҭоу изакәаным политикоуп, ԥасатәи Асоветтә еидгыла иалаз, уажәы зхы иақәиҭу, адемократиатә , исуверену атәылақәа рҿы ахатә мчы арҭбаара аҽазкроуп.

Ентони Блинкен иажәақәа рыла, Нато Урыстәыла агрессиа аҿагыларазы ихиоуп, аха Урыстәыла аҭахызар, аҭагылазаашьа адипломатиатә мҩала аҭыԥқәҵарагьы ҟлоит.

Блинкен ишазгәеиҭаз ала, Алианс ахыхьчаратә еиаҿкароуп. Уи ақәыларазы акәым, ахыхьчаразы иаԥҵан. ЕАШ аҳәынҭқарратә маӡаныҟәгаҩ ишааицҳаз, атәыла-алахәыла ҿыцқәа уаҳа ҳаднакылом ҳәа Нато хаҭарнакцәа ахаан аҳәамҭа ҟарымҵаӡацт.

Иажәақәа рыла, иаарту амшқәа рполитика 1949 шықәсазы ибжьаҵаз Аҩада-атлантикатәи аиқәшаҳаҭра ихадру ҭагылазаашьоуп, алианс алалара азҵаара Нато-и уи алалара зҭаху атәылақәеи ирусуп.

Блинкен ишазгәеиҭаз ала, Урыстәыла Европа апрецедент ҿыц аԥҵара аҭахуп, ашьаҭатәи аҵасқәа ирықәмақаруеит, жәларбжьаратәи асистемеи трансатлантиктәи алианси рықәхра аҭахуп.

ЕАШ аҳәынҭқарратә маӡаныҟәгаҩ иҟаиҵаз аҳәамҭала, ЕАШ Урыстәылаҟны ҩганкалатәи адиалог амҩаԥгаразы ихиоуп.