Қырҭтәыла аҧыза-министр Иракли Ҕарибашвили Аиҭашьақәыргылареи Аҿиареи азы Европатәи абанк (EBRD) ахада Одил Рено-Басо дылҧылеит.
ЕАР 2021 шықәсатәи аклимат аҽеиҭакра 26-тәи аконференциа аҳәаақәа ирҭагӡаны Глазго имҩаҧгаз аиҧылараан  иаҵшьны иазгәаҭан Қырҭтәыла аиҳабыреи  EBRD-и рыбжьара қәҿиарала имҩаҧысуа аусеицура, уи абзоурала, атәылаҿы иакымкәа крызҵазкәа апроектқәа нагӡан.

EBRD ахада иаҵшьны иазгәалҭеит Қырҭтәыла аполитикатә ҭышәынтәалара аҵакы, лара ишылҳәаз ала, алхрақәа рышьҭахь, атәыла анапхгара, аҿиара аусхәаҧштә хшыҩзышьҭра ду азыруроуп.

Аиҧылараҿы ишазгәаҭаз ала, иахьа уажәраанӡа  EBRD Қырҭтәыла иазоунашьҭхьеит  4 миллиард евро, абри аҧарала инагӡан  250 еиҳаны апроектқәа, апортфель аиҳара хазхаҭалатәи асектор иазкуп, уи атәыла аекономикатә аҿиаразы анырра ду амоуп.
Аиҧылараан хшыҩзышьҭра рызун Қырҭтәыла евроинтеграциа апроцесс аҳәаақәа ирҭагӡаны имҩаҧысуа ареформақәеи аекономикатә аиҭакра апроцесс аҿы  EBRD ароль ҷыдеи.

Аганқәа рхаҭарнакцәа ковид-19 апандемиа иахылҵыз апроблемақәеи, ишахәҭоу еиҧш урҭ рықәҿыҭреи, иара убас, апандемиа ашьҭахь аекономика аиҭашьақәыргылареи аҿы  EBRD инанагӡо ароль ҷыдеи иалцәажәеит.
Қырҭтәыла аҧыза-министри  EBRD ахадеи еиуеиҧшым аусхкқәа рҿы аусеицура ахырхарҭа ҿыцқәеи, абизнес маҷи абжьаратә бизнеси рыцхраара ҵаки иазааҭгылеит, дара ишырҳәаз ала, абри зегьы атәыла аекономикатә ҭышәынтәалареи  аинклиузивреи аиқәыршәаразы зда ҧсыхәа иҟам ҭагылазаашьоуп.
EBRD ахада ишьақәлырҕәҕәеит зыӡбахәы ҳәоу абанк ҳаҧхьаҟагьы Қырҭтәыла ишацхраауа акоронавирс иахылҵыз апроблемақәа рыӡбареи, иҭышәынтәлоу аинклиузивтә економикатә аҿиара ҕәҕәа аиқәыршәареи апроцесс аҿы.
Одиль Рено-Бассо ишылҳәаз ала, Аиҭашьақәыргылареи Аҿиареи азы Европатәи Абанк азы ҧыжәарас иаанхоит ҳаҧхьаҟагьы хазхаҭалатәи асектор аҿиара ацхраареи, ауаҩытәыҩсатә капитал арҕәҕәареи, аекономикаҿы иаҳа аинклиузивра аиқәыршәареи, аинфраструктуреи атранспорт-аимадаратә хархәагақәеи рырҿиареи. Лара иаҵшьны иазгәалҭеит EBRD Қырҭтәыла аиҳабыра қәҿиарала аус рыцура шынанагӡо.