Саакашвили иус икылкааны ҳацклаԥшуеит, игәабзиара аҭагылазаашьазы ҳгәы ҭынчым, – иҳәеит ЕАШ аҳәынҭқарратә департамент апресспикер Меҭиу Миллер Қырҭтәыла ԥасатәи ахада Михеил Саакашвили изкны изықәдыргылаз азҵаара иаҭакны.

ЕАШ аҳәынҭқарратә департамент апресспикер азҵаара изықәдыргылеит Қырҭтәыла иҟаз ЕАШ хәҩык ацҳаражәҳәаҩцәа иҟарҵаз аҳәамҭа иазкны. Ацҳаражәҳәаҩцәа Қырҭтәыла аиҳабыра рахь ааԥхьара ҟарҵоит Михеил Саакашвили амедицинатә цхыраара изаадырԥшырц.

Меҭиу Миллер иажәақәа рыла, аиҳабыра рҭакԥхықәроуп амедицинатә цхыраара изаарԥшра.

„ Саакашвили иус икылкааны ҳацклаԥшуеит, игәабзиара аҭагылазаашьазы ҳгәы ҭынчым. Қырҭтәыла аиҳабыра изныкымкәа аҳҳәахьеит –   аиҳабыра рҭакԥхықәроуп амедицинатә цхыраара изаарԥшра. Ҳара ари аус амониторинг наҳагӡоит“, – иҳәеит ЕАШ аҳәынҭқарратә департамент апресспикер Меҭиу Миллер.