«Путин аиҿцәажәарақәа рзы дыхиоуп ҳәа зҳәо аҧжәарақәа рыбжьы раҳар сҭахуп», — иҩит Украина адәныҟатәи аусқәа рминистр Дмитри Кулеба асоциалтә аҳаҿы.

Кулеба ишиҩыз ала, ҧхынҷкәын  29 рзы, цхыбжьон, Урыстәыла Украина ахырхарҭала  110 аракетақәеи адронқәа рацәеи дәықәнаҵеит.

«Иахьа миллионҩыла украинаа аҧжәарақәа рыбжьы амшала иҿыхеит, ҳаҧхьаҟа Украина ацхраара азҵаара иалацәажәо адунеи идуӡӡоу аҳҭнықалақьқәа зегьы рҿы, аштаб-уадақәеи, апарламентқәеи зегьы рҿы абарҭ аҧжәарақәа рыбжьы раҳар сҭахуп. Урыстәыла аиҿцәажәара иазыхиоуп ҳәа зҳәо ауаа ираҳар сҭахуп», – иҩит Украина адәныҟатәи аусқәа рминистр.

«Аколлективтә аҭак  заҵәуп иҟаҵатәу, еиҧҟьарада, акыраамҭала Украина арратәи афинанстәи цхыраара аҭара. Амцатә амҽхак ду мацароуп урыстәылатәи атеррор аанызкылаша», — иҩит Кулеба.