Қырҭтәыла Апатриархиаҿы Қырҭәтыла Акаталикос-Патриарх Шио  III-тәи Диушен ичымазара змоу ахәыҷқәа рҭаацәеи реиҧылара хыркәшоуп. 

Аиҧылара 2 сааҭк раҟара имҩаҧысуан.

Аҭаацәа рҳәамҭала, Апатриарх дырзыӡырҩын, ацхыраара иақәиргәыҕит.

Дара рҳәамҭала, Апатриархиаҿы аҭаацәеи, Апатриархиа ахаҭарнакцәеи, апрофильтә специалистцәеи рҽалархәрала аиҧыларақәа нагӡахоит.

«Қырҭтәыла Акаталикос-Патриарх ҳаиҧылеит. Ари аиҧылара даараӡа ибзиан, алҵшәа ахылҵуеит ҳәа ҳгәы иаанагоит. Аҵыхәтәантәи аамҭазы акциақәа раан иаҳҳәоз аинформациа зегьы Апатриархи аепископцәеи ираҳҳәеит. Уажәазы аҵыхәтәантәи алҵшәақәа рылацәажәара уадаҩуп, аха, ахырхарҭақәа зегьы рыла ашьаҿақәа ҳәаақәҵан, Апатриархиа ахаҭарнакцәа ари апроцесс рҽаладырхәоит.

Ари аиҧылара хымҧада имҩаҧгатәын. Апатриарх ари ачымазареи, ахәшәқәеи, уажәазы имҩаҧысуа апроцессқәеи ирызкны инарҭбаау аинформациа имазароуп. Апатриархиа иахәҭоу ашьаҿақәа ҟанаҵап ҳәа ҳгәыҕуеит. Хара имгакәа аӡбарақәа рыдыркылар ҟалап. Ахәшәқәа раиура ауп ҳазлацәажәо.

Апатриархи ҳареи ҳаиҧылара алҵшәа ахылҵуеит ҳәа сгәы иаанагоит, иара даҳзыӡырҩын, ишиҳәаз ала, ари апроблема аӡбара зылшо  ауаа драцәажәоит.

Аиҧыларақәа нагӡахоит. Апатриархиа излауа ала ари апроцесс иалахәызаарц азыҳәан, ахырхарҭақәа зегьы рыла аусура нарыгӡоит. Иара убас, ҳхәыҷқәа шырныҳәо азы ажәа ҳарҭеит. Ари апроцесс аамҭа-аамҭала имҩаҧгахоит. Иахьа ирныҳәаргьы ҟалап. Ҳара ахәыҷқәа Самеба аныхабаашҟа инаҳгоит, нас, Апатриарх иныҳәоит», — иҳәеит аҭаацәа иреиу Закро Гвишиани.