Украина Аҧыза-министр Денис Шмигал Қырҭтәыла Аҧыза-министр Иракли Ҕарибашвили Қырҭтәыла ахьыҧшымра амш идиныҳәалеит.

Аофициалтә адныҳәаларатә шәҟәы аҿы, Денис Шмигал ишазгәеиҭаз ала, Қырҭтәылеи Украинеи ахәаахәҭратәи аекономикатәи усеицура арҭбааразы крызҵазкәа апотенциал рымоуп.

„Украина аминистрцәа ркабинети хаҭала сареи ҳахьӡала, ишәыдысныҳәалоит Қырҭтәыла ахьыҧшымра амш. Агәра ганы сыҟоуп астратегиатә партниорра аҳәаақәа ирҭагӡаны Қырҭтәыла аиҳабыреи Украина аиҳабыреи рыбжьара активтә усеицура аурыс агрессиа аҿагылара ишацхраауа, уи ҳтәылақәа рхьыҧшымреи рҵакырадгьылтә акзаареи ахьчареи, иара убас, европатәи евроатлантикатәи интеграциа ахырхарҭала қәҿиара ҧхьаҟацареи азы иеффекту хархәагоуп.

Қырҭтәылеи Украинеи ахәаахәҭратәи аекономикатәи усеицура арҭбааразы крызҵазкәа апотенциал рымоуп, абри аус иацхраауеит Қырҭтәыла – Украинатәи аекономикатә усеицура иазку аиҳабырабжьаратә комиссиа қәҿиарала аусура.

Хара имгакәа шәҧылареи ақырҭуа-украинатә еизыҟазаашьақәа русхәаҧштә алацәажәареи сақәшаҳаҭуп.

Ҳаҭыр зқәу Аҧыза-министр, аҳәынҭқарратә усураҿы ақәҿиарақәа шәзеиҕьасшьоит, аиҩызаратә ақырҭуа ажәлар – аҭынчреи, мышхәабзазареи, ашәҭыкакаҷреи рзеиҕьасшьоит”, – иануп адныҳәалараҿы.