Аҷкәынцәа, гәаартыла шәасҳәоит, шәҳәамҭақәа шәрызхәыц, асанкциақәа Иванишвили мацара иқәырҵом, урҭ абизнесменцәеи аполитикцәеигьы рықәырҵар ҟалап, – иҳәеит Украинатәи Радаҿ апартиа “Слуга народа” афракциа алидер Давид Арахамиа “Мҭавари архи” аинтервиу аҿы.

“Ацәгьауцәа рыцәгьаурақәа аршаҳаҭгақәа изырҭахызеи?! Урҭ асанкциақәа алазгало аорганқәа раҳҭоит. Анапхгара хаҭарнакцәа ари хымԥада ирбоит. Аҷкәынцәа, гәаартыла шәасҳәоит, шәҳәамҭақәа шәрызхәыц, асанкциақәа Иванишвили мацара иқәырҵом, урҭ абизнесменцәеи аполитикцәеигьы рықәырҵар ҟалап. Аполитикатә лидерцәа иахьа агәаӷь рымоуп, аихқәа ирхылаԥшуеит, аҿагылаҩцәа зегьы абахҭа иҭакуп, аха ари хара имгакәа ԥсаххоит. Ҳаргьы абри еиԥш “ахылаԥшҩы” дҳаман, уигьы абасҵәҟьа дцәажәон, аха ихьыз жәбоит. Шәмал Ростов ииажәгар аамҭа ааит”, – иҳәеит Арахамиа.