Болгариа Аинформациатә агентреи Ауаажәларратә дырраҭареи Болгариеи Қырҭтәылеи рыбжьара ажәабжь  ҿыцқәа реиҭныҧсахлара иазку аиқәшаҳаҭра рыбжьарҵеит

Болгариа Аинформациатә агентреи (BTA) Қырҭтәыла Ауаажәларратә дырраҭареи Болгариеи Қырҭтәылеи рыбжьара ажәабжь  ҿыцқәа реиҭныҧсахлара иазку аиқәшаҳаҭра рыбжьарҵеит

Анапаҵаҩра ацеремониа мҩаҧган Болгариа аҳҭнықалақь Софиа, BTA аофис хадаҿы. Адокумент рнапы аҵарҩит Қырҭтәыла Ауаажәларратә дырраҭара агенералтә директор  Ҭинаҭин Берӡенишвилии  BTA агенералтә директор Кирил Валчеви.

„Абри аиқәшаҳаҭра абзоурала, азеиҧш европатәи аҧеиҧш змоу ҩ-тәылак ажәабжь ҿыцқәа реиҭныҧсахлара рылшоит. Қырҭтәыла Евроеидгылаҟны Ассоциациа иазку аиқәшаҳаҭра аднакылеит 2014 шықәсазы, Болгариа 2007 шықәса инаркны ари Евроеидгыла  иалоуп“, – иҳәеит Кирил Валчев.

Қырҭтәыла Ауаажәларратә дырраҭара агенералтә директор Ҭинаҭин Берӡенишвили ишылҳәаз ала, аиқәшаҳаҭра анапаҵаҩра зҵакы дуу шьаҿоуп.

„Қырҭтәылеи Болгариеи реизыҟазаашьақәа ирласны қәҿиарала аҿиара иаҿуп. Аха, зны-зынла, ҳара-ҳара иҳазкны аинформациа ҳацәмаҷуп. Уажәы ишиашо акоммуникациатә цәаҳәа шьақәҳаргылоит. Қырҭтәыла атәылауаа, гәахәарыла Болгариа иазкны иаҳа ирацәаны еилыркаауеит ҳәа сгәы иаанагоит, атуристтә визитқәа рыла шәтәыла ҧшӡа иаҭаауеит“, – илҳәеит Қырҭтәыла Ауаажәларратә дырраҭара агенералтә директор.

BTA абри аҩыза аусеицура амеморандум амоуп  46 ҳәынҭқаррақәа рмедиахархәагақәа рҟны.

Визитла Софиа иҟоу Ҭинаҭин Берӡенишвили Мрагыларатә Европа ауаажәларратә амедиа аиҿкаарақәа рлидерцәа реиҧылара далахәып, Ауснагӡатә мҩаҧысуеит Болгариа Амилаҭтә радио аҿы.