Ахаланапхгаратә алхрақәа рҽалархәразы мап зкыз аоппозициатә партиақәа ҧхынгәы  19 рзы апротесттә акциа мҩаҧыргоит.

Иахьатәи абрифинг аҿы арҭ апартиақәа рхаҭарнакцәа ишырҳәаз ала, дара апарламенттә алхрақәа ҿыцқәа мацара ирықәшаҳаҭхоит, ахаланапхгаратә алхрақәа рҽалархәра иақәшаҳаҭхом.

„ Ҳара агәра ганы ҳаҟоуп шәарҭада, ишахәҭоу еиҧш аҧсҭазаара шыҟало азакәани, аӡбареи, анапхгареи ажәлар рымаҵ ахьыруа европатәи адемократиа мацараҿ. Ақырҭуа жәлар аҵыхәтәаны аиааира ргарцаз, Иванишвилии иара ипартиеи амилаҭтәи, жәларбжьаратәи, иара убас, аҭыҧантәи аҩаӡараҟны аизолиациа рзутәуп. Убри аҟынтә, ҳара, авторитартә режим иаҿагыло жәлартә ҵысра аҵыхәанӡа ҳадгылоит.

Убри азыҳәан, ҧхынгәы  19 рзы апротесттә акциа мҩаҧаагоит, арежим аҧсахра зҭаху ауааҧсыра зегьы  шәааирц ҳшәыҳәоит.  Ҳара зхы иақәиҭу алхрақәа мацара иазхаҳҵоит! Аурыс аоперациа ҷыда мап ацәаҳкуеит! Ҳара ақәҧара иаша мҩаҧаагоит, ҕәҕәала ҳаидгылар, хымҧада аиааира ҳгоит!“,- иануп аоппозициатә 8 партиак иаладырҵәаз аҳәамҭаҿы.