Қырҭтәыла европатәи евроатлантикатәи интеграциа апроцесс аҿы Австриатәи ареспублика адгылара аҵаки Қырҭтәылеи Австриатәи ареспубликеи рпартниорра иаҳа арҭбаареи иалацәажәеит Қырҭтәыла аҧыза-министр Иракли Ҕарибашвилии Австритәи ареспублика аканцлер Карл Неҳамери реиҿцәажәараан.

Иракли Ҕарибашвилии Карл Неҳамери Мрагыларатә Европа арегион аҿы ашәарҭадара аганахьала иҟоу аҭагылазаашьеи Украина имҩаҧысуа аибашьреи иадҳәаланы ргәаанагарақәа еибырҳәеит. Аҧыза-министр ишазгәеиҭаз ала, Қырҭтәыла, ҩ-ганктәи, иара убас, аганрацәалатәи форматқәа рҿы  украинатәи аҩызцәа аполитикатәи агуманитартәи ганахьала рыцхрааара нанагӡоит.

Аиҳабыра рнапхгаҩы Австриатәи ареспублика аканцлер диацәажәеит европатәи евроатлантикатәи интеграциа апроцесс аҿы Қырҭтәыла ақәҿиарақәеи Евроеидгыла алаларазы атәыла иҟанаҵаз аофициалтә азыҳәамҭеи азы. Аҧыза- министр ишазгәеиҭаз ала, Қырҭтәыла Еврокомиссиа аҟынтә аиуит азҵаабҕьыц, ақырҭуа аган, азҵаабҕьыц харҭәааны, лаҵара анҵәамҭазы Евроеидгыла иаздырхынҳәуеит.

Иракли Ҕарибашвили  евроинтеграциа апроцесс аҿы апартниорцәа рҟынтә адгылара аҵакы азгәаҭаны, ишиҳәаз ала, Евроеидгыла алалара апроцесс аҿы Австриатәи ареспублика аҟынтә адгылара дақәгәыҕуеит.

Аҧыза-министр Австриатәи ареспублика афедералтә канцлер  ҭабуп ҳәа иеиҳәеит Қырҭтәыла ахьыҧшымреи аҵакырадгьылтә акзаареи адгыларазы.

Австриа аканцлер Қырҭтәыла аҧыза-министр аофициалтә визитла Австриаҟа днаиҧхьеит.