Ателехәаҧшра адунеизегьтәи амш инамаданы, Қырҭтәыла Актәи аканал ахь ашколхәҷқәа иаҭааит.

53-тәи абжьаратә школи „XXI ашәышықәсеи“ абжьбатәи аклассқәа ирҭоу аҵаҩцәа ателе-радиостудиақәа зеиԥшроу рбеит. Ауаажәларратә дырраҭара аусуҩцәа ахәыҷқәа аих аусура аспецифика зеиԥшроу рзеиҭарҳәеит.

Қырҭтәыла Актәи аканал адиректор хада Ҭинаҭин Берӡенишвили ишылҳәаз ала, ари абиԥаразы ателехәаԥшра еиԥшым амедиум ауп, урҭ онлаинмедиа рхы иадырхәоит.

Ҭинаҭин Берӡенишвили лажәақәа рыла, ауаажәларратә дырраҭара егьырҭ ашколқәа рыдкылара иазыхиоуп.

Абҵара 21 рзы Ателехәаҧшра адунеизегьтәи амш азгәарҭоит. ЕАР есышықәсатәи аинициатива инақәыршәаны, убри аҽны, ауаа рыҧсҭазаараҿы ателехәаҧшра иамоу амч азгәаҭаразы, адунеи ателеканалқәа зегьы  30 секунд инагӡо авидеоҭыхымҭа иоурыжьҭуеит.

Ателехәаҧшра адунеизегьтәи амш азгәаҭара иалагеит   26 шықәса раҧхьа.

1996 шықәсазы, Иеиду Амилаҭқәа Реиҿкаара,  ари аиҿкаара иалоу аҳәынҭқаррақәа зегьы рахь ааҧхьара ҟанаҵеит Ателехәаҧшра адунеизегьтәи амш азгәаҭара иалагарц. Ари амш азгәаҭаразы иалхын абҵара 21  – Раҧхьатәи Адунеизегьтәи ателееилахәыратә форум амҩаҧгара амш.