«Баҭым иҟоу Украина атәылауаа зегьы анхарҭала еиқәыршәазаауеит», — илҳәеит Аҷара Атуризм азы адепартамент адиректор Ҭинаҭин Зоиӡе  Қырҭтәыла иҟоу украинатәи ахҵәацәа ирыдҳәаланы Жәлар рыхьчаҩ иҟалҵаз аҳәамҭа иазкны Актәи аканал аинтервиу аналҭоз.

Зоиӡе лажәақәа рыла, алиуқс акласс аотельқәа ирыҩноу украинатәи ахҵәацәа уаҟа иаанхоит альтернативтә нхарҭақәа роуаанӡа.

«Украина атәылауаа асасааирҭақәа рҟынтә иҩнырцоит ҳәа аларҵәара зауз аинформациа ииашам. Альтернативтә нхарҭақәа роуаанӡа  рызынтәгьы аҭыҧаҿы иаанхоит. Ари апроцесс иалагеит,  ауаа Гониои, Чаҟвии, Баҭымии анхарҭақәа рырҭоит. Кыраамҭалатәи апланқәа макьана ҳазрылацәажәом, избанзар, Украина аибашьра шаҟаамҭа инагӡахо аӡәгьы издырӡом.  Хазхаҭалатәи асектор хәыҧсада Украина атәылауаа ирыцхраауеит.  Рсасааирҭақәа анҭәлак, ҳара иҳадҵаалоит, анеҩс, ҳара ауаа альтернативтә нхарҭақәа рышҟа ииаагоит», — илҳәеит Ҭинаҭин  Зоиӡе.

Иахьа Жәлар рыхьчаҩ иҟалҵаз аҳәамҭа инақәыршәаны,  «украинатәи ахҵәацәеи АИХи иаладырҵәаз адырра ашьаҭала, Жәлар рыхьчаҩ еилылкааит аҳәынҭқарра ахарџьла асасааирҭақәа ирыҩназ Украина атәылауаа иааиуа амшқәа рзы аномерқәа  рыҩныҵра шрықәшәо, убри аҟынтә, ауаа адәахьы иаанхар ауеит».