Афармацевттә џьармыкьа аиҿкаара амзызла активла аиҧыларақәа иалагоит, асектор алахәылацәа рҟынгьы, – Қырҭтәыла аҧыза-министр Иракли Ҕарибашвили ари атәы ааицҳаит Қырҭтәыла Аконкуренциазы амилаҭтә агентра ахантәаҩы Иракли Леқвинаӡе даниҧылоз.

Аиҧылараан агентра ала ихиаалоу афармацевттә џьармыкьа аҭҵаара амониторинг абжьаратә аҳасабырба иахәаҧшит. Аиҳабыра рнапхгаҩы ишиҳәаз ала, зыӡбахәы ҳәоу азҵаара излауа ала аартызароуп.

„Сара шәара ишәырмазеиз  афармацевттә џьармыкьа абжьаратә аҳасабырба сахәаҧшит. Аҳасабырба, иҵабыргны, аинтерес аҵоуп, убри аҟынтә, аусура ҳалагароуп. Сара абри азҵаара излауа ала иаартызар сҭахуп. Абри аусхкы ахаҭарнакцәа реиҿцәажәара ҳалагап. Иара убас, абри азҵаара аиҿкааразы, аекономикатә хеилак аформат аҿгьы активла аус ҳалагар сҭахуп“, – иҳәеит аҧыза-министр.

Аҧыза-министр ишазгәеиҭаз ала, атәыла ауааҧсыра ахәшәқәа рыхәқәа даараӡа иаргәамҵуеит, имаҷымкәа азҵаарақәа рымоуп, убри аҟынтә, абри азҵаара цқьа иҭҵааны, апроцесс излауа ала иаартны имҩаҧгатәуп. Убри азыҳәан, зҵааракгьы ҭакда иаанымхарц азыҳәан,  асектор ахаҭарнакцәа рҟны активла аиҧыларақәа рымҩаҧгара иалагоит. Аконкуренциа азы амилаҭтә агентра ахантәаҩы ишиҳәаз ала, афармацевтикатә џьармыкьа абжьаратә аҳасабырбаҿы иарбоуп афармацевтикатә џьармыкьаҿы аконкуренциа аизырҳареи ахархәаҩцәа ахәшәқәа раахәара рзырманшәалареи  иацхрааша абжьагарақәа.