Апарламенттә аиҳара Қырҭтәыла ахада Саломе Зурабишвили лимпичмент апроцедура еиҭалагара иазку аӡбара рыдыркылеит, апарламент ҿыц актәи еилатәараҿ Зурабишвили 100 бжьқәа рыла аимпичмент аҵасла лҭыԥ аанлыжьуеит, – иҳәеит апарламент ахантәаҩы Шьалуа Папуашвили “Ақырҭуа гәахәтәы” аофис аҿы имҩаԥгаз абрифинг аан.

“Ишыжәдыруа ала, 2023 шықәса жьҭаара 16 рзы Қырҭтәыла аконституциатә аӡбарҭа,аимпичмент апроцедура аҳәаақәа ирҭагӡаны, Саломе Зурабишвили аконституциа аилагаҩс аԥхьаӡан, Аконституциа 52-тәи ахәҭаҷ ала иазыԥхьагәаҭоу аҵас шьақәнарӷәӷәеит – ахада адәныҟатәи визитқәа рынагӡара зин лымоуп Қырҭтәыла аиҳабыра аҟынтә азин анолуа мацара ашьҭахь.

Аконституциа аилагара афак ашьақәырӷәӷәара ашьҭахь, Саломе Зурабишвили ахада иҭыԥ аҿы даанхеит арадикалтә оппозициаа аҟынтә апарламент иҟоу адепутатцәа ирыбзоураны.

Уи ашьҭахь, Саломе Зурабишвили Аконституциа аилагара налыгӡон. Иҳаҩсыз амчыбжь азы лара визитла Франциа, Германтәыла, Польша, Бельгиа рҿы дыҟан.

Ари зегьы иазыԥхьагәаҭаны, Апарламенттә аиҳара аимпичмент апроцедура еиҭалагара иазку аӡбара ҳадаҳкылеит. апарламент ҿыц актәи еилатәараҿ Зурабишвили 100 бжьқәа рыла аимпичмент аҵасла лҭыԥ аанлыжьуеит”, – иҳәеит Папуашвили.