«Акритика сзызуа ақырҭуа политикцәа атекст ахы инаркны аҵыхәанӡа иаҧхьароуп, хазы жәақәак аконтекст иалхны акәымкәа, аоригиналтә версиа рдыруазароуп.», — иҳәеит Қырҭтәыла иҟоу Украина аамҭалатәи ахаҭарнак Андреи Касианов.

Касианов ишиҳәаз ала,  аофициалтә аҳәамҭақәа иаҧхьатәуп аоригинал аҿы.

«Акритика сзызуа ақырҭуа политикцәа атекст ахы инаркны аҵыхәанӡа иаҧхьароуп, хазы жәақәак аконтекст иалхны акәымкәа, аоригиналтә версиа рдыруазароуп. Сшәыҳәоит, аофициалтә аҳәамҭақәа шәрыҧхьала аоригинал аҿы», — иҳәеит Қырҭтәыла иҟоу Украина аамҭалатәи ахаҭарнак Андреи Касианов  ателееилахәыра «ТВ Формула» аефираҿ.

Зыӡбахәы  ҳәоу аҳәамҭаҿы Касианов ишазгәеиҭаз ала,  «Урыстәылаҟны ишиашоу авиааимадара амшала Қырҭтәылаҿ Урыстәыла атәылауаа иаҳа ирацәахар, украинатәи аган Қырҭтәылантә украинаа ралгара азҵаара иахәаҧшыр ҟалап».