Румынтәыла, Бухарест,  қәҿиарала ихыркәшоуп Қырҭтәылеи, Азербаиџьани, Румынтәылеи, Венгриеи  еицырзеиҧшу анаплакы  Green Energy Corridor Power Company – GECO POWER COMPANY арегистрациа апроцесс. Ари атәы аарыцҳаит Қырҭтәыла  Аекономикеи иҭышәынтәалоу аҿиареи рзы аминистрра аҟынтәи.

Аминистрра адыррала, уажәазы,  зыӡбахәы ҳәоу анаплакы,  «Аенергетикатә корридор иаҵәа» аҳәаақәа ирҭагӡаны, аҭҵааратәи апроекттәи усурақәа мҩаҧнагоит.  Анаплакы аиҿкаара хықәкыс иамоуп  «Аенергетикатә корридор иаҵәа» апроект қәҿиарала анагӡара, ари апроектла иазҧхьагәаҭоуп  Амшын еиқәа аҵан авольтҳарактәи амҩангаратә кабель аргылара.

Астратегиатә партниорра иазку аиқәшаҳаҭреи  анерегетика иаҵәа аусхкы аҿы аусеицура иаку амеморандуми рҳәаақәа ирҭагӡаны,  2023 шықәса рашәара 25 рзы, Азербаиџьани, Қырҭтәылеи, Румынтәылеи, Венгриеи реиҳабырақәа, еицырзеиҧшу анаплакы аиҿкаара азҵааразы аилыбакаара амеморандум рыбжьарҵеит. Амеморандум аҿы иарбоуп ари анаплакы аусура ахадаратә принципқәа.

Амшын еиқәа иалсны ицо аҵаӡантәи акабель апроект – Қырҭтәылеи Румынтәылеи рыбжьара аимадара еиқәзыршәо, насгьы, иаҳа инарҭьбааны иуҳәозар – Аахыҵ Кавкази Алада-Мрагыларатә Европеи еимыздо  аинфраструктуратә проект дуӡӡоуп