Италиатәи актриса Џьина  Лоллобриџьида  95 шықәса дшырҭагылаз лыҧсҭазаара далҵит. Лдукат  Reuters ишазааицҳаз  ала, лара Рим ахәышәтәырҭаҿ дыҧсит.

Џьина  Лоллобриџьида   1950-тәи ашықәсқәа рзы Европа зегьы реиҳа ипопулиарыз актрисацәа дреиун.  Лара апремиа  «Ахьтәы глобус» ланашьан.

Италиатәи  актриса лкинокариера иалагеит  18 шықәса анылхыҵуаз, аха, жәларбжьаратәи азхаҵара лоуит  афильмқәа   «Нотр-Дам де Пари»-и «Фанфан-тиульпан»-и  рҿы иналыгӡаз  арольқәа  рыбзоурала, убри ашьҭахь Голливудҟа ааҧхьара лырҭон.

1960-тәи ашықәсқәа рзы лкинокариера хлыркәшеит, аха,  афотоҭыхреи аполитикеи дазҿлымҳан.

Џьина  Лоллобриџьида  лассы-лассы адунеи зегьы реиҳа иҧшӡоу аҧҳәыс ҳәа лзырҳаәлон.  2018 шықәсазы, Голливуд,  Ахьӡ-аҧша аллеиаҿ лыеҵәа  аадыртит.