Ҩ-рыцхәтәи аекономикатә азҳареи, иазҳаз аекспорти, атуризм аиҭашьақәыргылара адинамика арҕәҕәареи иалацәажәеит Қырҭтәыла аҧыза-министр Иракли Ҕарибашвили инапхгарала имҩаҧгаз аекономикатә хеилак аилатәараҿы.

Аиҧылараан хшыҩзышьҭра азун атәылаҿы аекономикатә ҭагылазаашьа. Ишазгәаҭаз ала, аекономикатә азҳара  инагӡоит, лымкаала, 2022 шықәса лаҵарамзазы 11.6% аекономикатә азҳара иҟан, ажьырныҳәа- лаҵарамзазы аекономикатә азҳара арбага  11.2% иаҟароуп.

Иара убас, аекономикатә азҳара иацхраауа афакторқәагьы ирылацәажәеит, урҭ иреиуп аҭыҧантәи аекспорт аҿы иҟоу иҵоуроу атенденциақәеи атуризм аиҭашьақәыргылара адинамика арҕәҕәареи. Ишазгәаҭаз ала,  2022 шықәса лаҵарамзазы аекспорт азҳаит  54.3 %-ла, аҭыҧантәи аекспорт  – 63.3 %-ла. Атуризм ианалацәажәоз ишазгәарҭаз ала, ажьырныҳәа-лаҵарамзазы аныҟәрақәа рҟынтә ахашәала аиҭашьақәыргылара арбага  75.3%-нӡа ишьҭыҵит, атәыла аиуит  840.9 миллион адоллар ахашәала.

Иара убас, атуризм ахырхарҭала ишазгәаҭаз ала, сынтәа рашәарамзазы Қырҭтәылаҟа имҩаҧган  445,894 жәларбжьаратәи аныҟәаратә визитқәа, ҵыҧхтәи иашьашәалоу аамҭа иаҿоурҧшыр, ари арбага азҳаит  185.5%-ла. Иара убас, 2022 шықәса фымз рыла атәылаҿы 1,209,272 жәларбжьаратәи атуристтә визитқәа мҩаҧган, ари арбагагьы ҵыҧхтәи арбага аасҭа 186.3%-ла еиҳауп.

Аиҳабыра радминистрациаҿы имҩаҧгаз аиҧылараан иара убас ирзааҭгылеит  абиуџьет анагӡара аганахьала 2022 шықәса актәи азбжазы иҟаз иҵоуроу атенденциақәа.  Ишазгәаҭаз ала, еизаку ахашәалатә арбагеи, иара убас, ашәахтә хашәалақәеи имцхәны инагӡоуп, аҳәынҭқарратә биуџьет иалаҵоуп 9,1 миллиард лари. Иаҵшьны иазгәаҭан абиуџьет адефицит 0,3% мацара ишыҟоу, уи алагьы иубарҭоуп афискалтә консолидациа шынагӡо, аханатә апланла иазҧхьагәаҭаз  шықәсыктәи арбага  4,4%  ашықәс анҵәамҭанӡа  3,5 %-нӡа аиҵатәра шрылшо.