Қырҭтәыла аиҳабыра иахьа атәыла ахада ладминистрациа иаланарҵәаз аинформациа иадҳәаланы аҳәамҭа ҟарҵеит.

Аҳәамҭа ишану ала, Қырҭтәыла аиҳабыра рықәҵара ашьаҭала,  2023 шықәса нанҳәа 3 рзы, Саломе Зурабишвили аофициалла аҩырала мап лцәыркит.

Аиҳабыра радминистрациа аҳәамҭаҿы Саломе Зурабишвили зымҩаҧгара лгәы иҭаз  егьырҭ авизитқәагьы рыӡбахәы ҳәоуп.

«Атәыла ахада Германтәыла зымҩаҧгара лгәы иҭоу авизит иадҳәаланы ахада ладминистрациа иаланарҵәаз аинформациа ҳахцәажәар ҳҭахуп.   2023 шықәса ҧхынгәы 12 рзы атәыла ахада ладминистрациа зыӡбахәы ҳәоу авизит иадҳәаланы Қырҭтәыла аиҳабыра ирыдҵаалт, аиҳабыра, аҩыратә формала, аофициалла мап лцәыркит  2023 шықәса нанҳәа 3 рзы, Қырҭтәыла аиҳабыра рықәҵара ашьаҭала, Қырҭтәыла Аконституциа иашьашәалоу ахәҭаҷ инақәыршәаны.

Иара убас, атәыла ахада аофициалла мап лцәыркит нанҳәа  22-24 рзы Украинаҟа аусуратә визити, цәыббра  16 рзы Швеицариаҟа авизити, жьҭаара 2-3 рзы Польшаҟа авизити, жьҭаара  4-6 рзы Бельгиаҟа авизити, жьҭаара 31 инаркны абҵара 2-нӡа Даниаҟа авизити, ҧхынҷкәын  1-2 рзы Иеиду Араҧтәи Емиратқәа рахь авизити рзы. Иара убас,  Саломе Зурабишвили мап лцәыркит цәыббра  27-29 рзы Болгариаҟа авизити, ҧхынҷкәын  10-12 рзы Чехиаҟа авизити, ҧхынҷкәын  18-20 рзы Израильҟа авизити рзгьы.

Атәыла ахада  Саломе Зурабишвили илгәалаҳаршәар ҳҭахуп Қырҭтәыла Аконституциа  52-тәи ахәҭаҷ  1-тәи апункт  «А» апунктеиҵа инақәыршәаны,  Қырҭтәыла ахада адәныҟатәи еизыҟазаашьақәа рҿы ахаҭарнакратә зинмчқәа шыналыгӡо Қырҭтәыла аиҳабыра рықәшаҳаҭра мацарала, избанзар, Аконституциа 54-тәи ахәҭаҷ 1-тәи апункт инақәыршәаны,  атәыла адәныҟатәи аполитика амҩаҧгара аус Қырҭтәыла аиҳабыра инапы иануп», —  иануп адырраҿы.

Иахьа атәыла ахада ладминистрациа иаладырҵәаз аинформациа инақәыршәаны, нанҳәа 31 инаркны Саломе Зурабишвили  европатәи алидерцәа рҟны аиҧыларақәа рымҩаҧгара далагоит.