Урыстәылатәи ар Покровски Мирногради ргар ҟалап, аха, азарал дуӡӡа роуеит. Ари атәы иануп Аибашьра аҭҵаара аинститут  (ISW) аҳасабырба ҿыц аҿы.

«Урыстәыла арратә напхгара аамҭакала иакымкәа ажәыларатә операциақәа рымҩаҧгаразы аӡбара рыдыркылеит, лымкаала: Харьковтәи атәылаҿацә аҩадатәи ахәҭаҿы  —   Вовчански Бурлук Дуӡӡеи рхырхарҭала; Харьковтәи атәылаҿацә мрагыларатә ахәҭаҿы  — Купианск ахырхарҭала; Донецктәи атәылаҿацә аҿы  —   Северск ахырхарҭала;  Донецктәи, Днепропетровсктәи,  Запорожиетәи атәылаҿацәқәа рҳәааҿ  —   Михаиловка Дуӡӡа ахырхарҭала; иара убас, Запорожиетәи атәылаҿацә мрагыларатә ахҭаҿы  — Гулиаиполь ахырхарҭала», — ирҳәеит аплатформа аналитикцәа.

Аибашьра аҭҵаара аинститут адыррақәа рыла, урыстәылатәи амчқәа  афронт ацәаҳәа зегьы аҿы ақәҿиарақәа рымоушәа аадырҧшыр рҭахуп, аха, иҵабыргны, ус акәӡам ишыҟоу.

Аҵыхәтәантәи 24 сааҭ рыла Урыстәыла даҽа  1 000ҩык арратә маҵзуҩцәа ацәыӡит, аибашьра алагара инаркны иахьанӡа иҭахеит  1 154 000ҩык аурыс аруаа.