ЕАШ Аҳәынҭқарратә департамент атероризм иазку 2023 шықәсатәи аҳасабырба цәырнагеит. Есышықәсатәи аҳасабырбаҿ атероризм аҿагылара ахырхарҭала атәылақәа имаҩаԥырго ауснагӡатәқәа ахәшьара рыҭоуп. Аҳасабырба ианылеит Қырҭтәыла иазкы аинформациа, – аарыцҳаит Аҳәынҭқарратә шәарҭадаратә маҵзура аҟынтә.

Адокумент аҿы ишану ала, Қырҭтәыла нанагӡоит аконтртероризм азҵаарақәа рхырхарҭала иџьбароу ауснаӡатәқәа рымҩаԥгара нанагӡоит, ашәарҭадара аганахьала ЕАШ партниорс иаанхоит.

Аҳасабырбаҿ ишазгәаҭоу ала, атероризм аганахьала Қырҭтәыла ҭынчроуп, иҭышәынтәалоуп, атерористтә инцидентқәа аҭыԥ рымамызт. 2023 шықәсазы Қырҭтәыла атәылауаа Шьамтәыла ма Ирак адәықәлара аганахьала атерористтә активра ирылахәын ҳәа адыррақәа иҟам.

ЕАШ Аҳәынҭқарратә департамент атероризм иазку 2023 шықәсатәи аҳасабырбаҿ ишану ала, атероризм аҿагылара ахырхарҭала Қырҭтәыла ахәшьара ҳарак аҭоуп. Ари аконтекст аҿы иаҵшьны иазгәаҭоуп Аҳәынҭқарратә шәарҭадаратә маҵзура алагала ду.

ЕАШ Аҳәынҭқарратә департамент атероризм иазку 2023 шықәсатәи аҳасабырбаҿ иаҵшьны иазгәаҭоуп 2023 шықәса инаркны  Қырҭтәыла 2022-2026 шш.  амилаҭтә аконтртерористтә аҩбатәи астратегиеи ауснагӡатә плани шынанагӡо.

Аҳасабырбаҿ иазгәаҭуп Еврокомиссиа абҵаразы аланарҵәаз арҭбаара иазку аҳасабырбаҿ, Қырҭтәыла антитерористтә закәанԥҵара Евроеидгыла азакәанԥҵара иашьашәалоуп ҳәа.

Адокумент аҿы ишану ала, Қырҭтәыла интерпол аҳәаақәа ирҭагӡаны адокументқәеи апассаџьырцәа ирызку адыррақәеи реиҭныԥсахлара апроцессқәа шлырахәу.

ЕАШ Аҳәынҭқарратә департамент атероризм иазку 2023 шықәсатәи аҳасабырбаҿ ишану ала, Қырҭтәыла аконтртерористтә зҵаарақәа рзы жәларбжьаратәи, арегионтәии, ҩганкалатәи аусеицура активла иалахәуп. Атәыла аусеицура ӷәӷәа амоуп Натои, ЕАР-и,Европа ахеилак, Евроеидгылеи, OSCE-и, интерполи уҳәа егьырҭ аиҿкаарақәеи рҟны. Атәыла “DAESH” аҿагыларазы аглобалтә акоалициа иалоуп, акоалициа аҳәаақәа ирҭагӡаны имҩаԥысуа агәыԥтә аиԥыларақәа ирылахәп”, –  иануп Аҳәынҭқарратә шәарҭадаратә маҵзура  аланарҵәаз аинформациа аҿы.