Ҭорнике Рижваӡе иус азы абџьар аҭакԥхықәрадара аҵәахразы Алекси Ахвледиани ахара иқәҵоуп, – арыцҳаит Қырҭтәыла апрокуратура аҟынтә.

Аусԥшааратә усҳәарҭа аинформациала, Алекси Ахвледиани ахара иқәҵоу алҵшәа цәгьа зхылҵыз абџьар аҭакԥхықәрадара аҵәахразы.

“Қырҭтәыла АҩАР Ацентртә криминалтә полициа аус иадҳәаланы имҩаԥнагаз аусԥшаара аан ишеилкаахаз ала, ԥхынгәы 6 рзы, хәылбыҽхан Ҭ.Р. Сагареџьо ақалақь аҿы А.А. сасра диҭааит.

Ԥхынгәы 7, асааҭ 01:00 инаркны асааҭ 01:30-нӡа Ҭ.Р. иҽыҵәахны А.А. итәыз “Глок” асистема иатәу ахымцабџьар иган, аҽшьра иҽазикит.

Азакәанхьчаҩцәа А. А. иаразнакҵәҟьа дааныркылеит.  Иара Қырҭтәыла ашьауӷа закәанеидкыла 238-тәи ахәҭаҷ  – абџьар аҭакԥхықәрадара аҵәахраз – инақәыршәаны даанкылан”, – иануп аинформациа аҿы.

Аҷара аиҳабыра ԥасатәи ахантәаҩы Ҭорнике Рижваӡе ԥхынгәы 7 рзы Сагареџьотәи «Geo Hospitals» ашҟа днаган, уи бџьармцалатәи ахәра иоуит, иҭагылазаашьа цәгьан, ԥыҭраамҭак ашьҭахь уи Қарҭ, Актәи ауниверситеттә клиникахь диаган.  АҩАР аинформациа ала, аусԥшаара хацыркуп Қырҭтәыла ашьауӷа закәанеидкыла 115-тәи ахәҭаҷ ала –  аҽшьраҟынӡа анагара азы. Ҭорнике Рижваӡе иус азы абџьар аҭакԥхықәрадара аҵәахразы даанкылоуп  Амшынтә транспорт азы агентра аиҳабы Алекси Ахвледиани. Ахвледиани Қырҭтәыла ашьауӷа закәанеидкыла 238-тәи ахәҭаҷ  – абџьар аҭакԥхықәрадара аҵәахраз – инақәыршәаны даанкылоуп. Ахысраан Ҭорнике Рижваӡе Алекси Ахвледиани иҩны дыҟан.