Ауаажәларратә дырраҭара адиректор хада Ҭинаҭин Берӡенишвили Қырҭтәыла иҟоу Катар ацҳаражәҳәаҩ Ҳасан Бин Аҳмед Аль-Мутава диԥылеит, аиԥылара ихы алаирхәит Актәи аканал афинанстә директор Нодар Ҷиҷинаӡе.
Аиԥылараҿ ирыхәаԥшит 2022 шықәсазы Катар имҩаԥысран иҟоу ашьапылампыл азы адунеи ачемпионат, уи раԥхьаӡа акәны аӡырназы мҩаԥгахоит.
“Хара имгакәа иалагоит ашьапылампыл азы адунеи ачемпионат, ауснагӡатә апартниор аҳасаб ала Қырҭтәыла Актәи аканали арадиои ари ахҭыс ҷыдала азԥшуп, аҽазыҟаҵара аҿуп,” – илҳәеит Актәи аканал адиректор хада Ҭинаҭин Берӡенишвили.
“Қырттәыла Актәи аканал ахәаԥшцәа ирыднагалоит 2022 шықәсазы Катар имҩаԥысран иҟоу ашьапылампыл азы адунеи ачемпионат атранслиациақәа, ақырҭуа ахәаԥшцәа ари ахҭыс хада икылкааны ацклаԥшра рылшахоит”, – иҳәеит Актәи аканал афинанстә директор Нодар Ҷиҷинаӡе.
Сынтәатәи ачемпионат абҵара 20 инаркны ԥхынҷкәын 18-нӡа мҩаԥгахоит, уи аҳәаақәа ирҭагӡаны Қырҭтәыла Актәи аканал ахәаԥшцәа аеқсклиузивтә зин аманы, 64 матчк рыднагалоит.
