Ҭамаз Гаиашвили иҳәамҭала,  «Georgian Airways» ахаангьы абиуџьеттә ауал амамызт, аинформациатә хархәагак  ииашам аинформациа аланарҵәеит.

Иара убас,  Гаиашвили ишиҳәаз ала, хаҭала иара изгьы имцырку аинформациа аладырҵәоит, иара игәаанагарала, уи абизнесмен иаҳасабала иара иҿагыло акампаниа ауп.

Ҭамаз Гаиашвили иажәақәа рыла, иара абизнес-имиџь азарал азаагара амшала  аӡбарҭа ашшыҧхьыӡ алаҵара игәы иҭоуп.

«Аҵыхәтәантәи амшқәа рзы  «Georgian Airways» аимаџь иаҧырхагоу хықәкылатәи акампаниа мҩаҧысуеит.  Ари акампаниа атәыла аиҳабыреи аилахәыреи ирҿагыланы хықәкыла имҩаҧыргоит. Инеизакны иуҳәозар, атәылаҿ арыцҳара аныҟало ауп атәылауаҩратә авиациа аныргәалашәо. Нанҳәа 3 рзы Шови арыцҳара аныҟала ирҳәаз жәдыруеит.  Агежьҧрыгақәа Шови имнеит, ауаа ирыцымхрааит ҳәа рҳәеит. Авиациаҿы апроблемақәа иҟоижьҭеи акырҵуеит. Авиациа ацхыраара амам, нас, дара, ҳавиациа, анормалтә тәылақәа рҿы еиҧш, ибзианы аус аур, арыцҳараан зыҧшра ҟамҵакәа ауаа ирыцхраар рҭахума.  Хаҭала, сара исзырҳәаз зегьы мцуп. Бизнесменк иаҳасабала исҿагыланы акампаниа мҩаҧыргоит. Уи сыхьӡ ланарҟәоит. Сара аӡбарҭа ашшыҧхьыӡ аласҵоит.  Сара аилахәыра агенералтә директор сакәӡам, аилахәыра ашьаҭаркҩцәа среиум, сара исзықәдыргылаз ахара изакәызаалак шьаҭак аҵам», — иҳәеит Ҭамаз Гаиашвили.