Şida Kartlinin Kodistskaro inzibati sərhəd kəndində ikinci əl motor yağı emalı zavodu açılıb.

Müəssisə – “Universal Group of Georgia” “Tərəfdaşlıq Fondu” proqramı “Startup Georgia” və USAID-in “Growth in Georgia” layihəsinin dəstəyi ilə inşa edilib.

Müəssisənin rəsmi açılışını bu gün Tərəfdaşlıq Fondunun icraçı direktoru David Saqanelidze, USAİD/Gürcüstan missiyasının direktoru Peter Vibler, Gürcüstanın ətraf mühit və kənd təsərrüfatı nazirinin müavini Solomon Pavliaşvili, Startup Georgia Proqramının direktoru Qiorqi Lomidze və USAID-in iştirakı ilə etdilər.

“Bu gün region və ümumilikdə Gürcüstan üçün ilk yüksək texnologiyalı müəssisə açıldı ki, bu da bizə ətraf mühitə mümkün qədər zərərli təsirlərdən qaçmaq üçün müasir texnologiyalardan istifadə etməklə işlənmiş motor yağlarını emal etməyə imkan verəcək. Bu tip emal müəssisəsi ölkədə ekoloji vəziyyətin yaxşılaşdırılmasında əsas amillərdən biridir., – dedi “Startup – Gürcüstan”ın direktoru Qiorqi Lomidze.

Layihə Gürcüstanda ekoloji mühitin yaxşılaşdırılmasına, işlənmiş motor yağlarının, o cümlədən mühərrik, hidravlika və transmissiya yağlarının tam təhlükəsiz və beynəlxalq ekoloji standartlara tam uyğun olan yüksək texnologiyalı emalı prosesinə töhfə verir.

O, Gürcüstanda innovativ “molekulyar parçalanma” üsulu ilə təkrar nefti emal edən ilk şirkətdir və 4 müxtəlif növ məhsul (dizel yanacağı, maye mazut/bitum, yüksək oktanlı benzin və metan qazı) istehsal edir. İstehsal üçün yerli tullantılardan istifadə olunacaq və əsas bazar Gürcüstan olacaq. Müəssisə işğal xəttinə bitişik kəndlərdə yaşayan yerli əhalini işlə təmin edəcək və inzibati bölgü xəttinə bitişik kəndlərdə sahibkarlığın inkişafına dəstək verəcək.

2019-2021-ci illərdə “Startup Georgia” Tərəfdaşlıq Fondunun proqramı və USAID-in “Growth in Georgia” layihəsinin tərəfdaşlığı çərçivəsində Gürcüstanın regionlarında beş startap layihəsi maliyyələşdirilib. Bu layihələrin həyata keçirilməsi üçün sərmayə üç milyon lari təşkil edib.