Օրենսդրությունը առավել կխստանա «դեղատնային թմրամոլությունը» կասեցնելու ուղղությամբ. Ակակի Զոիձե
Խորհրդարանի առողջապահության կոմիտեի նախագահ Ակակի Զոիձեի հայտարարությամբ, գոյություն ունի մի ամբողջ արսենալ, որի միջոցով պետությունը պետք է կանխարգելի թմրանյութի օգտագործման ռիսկերը:
Ինչպես լրագրողներին հայտնել է Զոիձեն, թմրանյութ օգտագործող անձանց նկատմամբ հաշվի են առնված սահմանափակումներ ինչպես վարորդական իրավունքի, այնպես էլ բժիշկ աշխատելու, հանրային ծառայությունում գործունեություն ծավալելու համար և այլն:
Նրա խոսքով, թմրանյութի բարեփոխման հետ կապված նախաձեռնված օրինագծում մտցվել են բազմաթիվ փոփոխություններ, որոնց քննարկումը կանցկացվի իրավական հարցերի կոմիտեում:
«Խոսքը այն մասին է, որ թմրանյութը դառնա պատժելի միայն ոչ կալանավորման պատժով թմրանյութի օգտագործման դեպքում, իսկ իրացնողի դեպքում, օրենսդրությունը առավել կխստանա այն ուղղությամբ, որ «դեղատնային թմրամոլությունը» կասեցվի: Իրացնողների նկատմամբ ցմահ կալանավորումը և բարձր պատիժները մնում են ուժի մեջ, ինչպես նաև ավելանում է պատիժը դեղատնից հոգեմետ միջոցների հոսքի կապակցությամբ»,- հայտարարել է Զոիձեն: