Մեր բոլորի պարտքն է, միշտ գնահատել մեր վետերաններին, հիշել նրանց հերոսական գործերը և հարգանքի տուրք մատուցել նրանց, ովքեր իրենց զոհաբերել են այս մեծ պատերազմում. Իրակլի Ղարիբաշվիլի
Մեր բոլորի պարտքն է, միշտ գնահատել մեր վետերաններին, հիշել նրանց հերոսական գործերը և հարգանքի տուրք մատուցել նրանց, ովքեր իրենց զոհաբերել են այս մեծ պատերազմում. Իրակլի Ղարիբաշվիլի

Մեր բոլորի պարտքն է, միշտ գնահատել մեր վետերաններին, հիշել նրանց հերոսական գործերը և հարգանքի տուրք մատուցել նրանց, ովքեր իրենց զոհաբերել են այս մեծ պատերազմում,- այս մասին հայտարարել է Վրաստանի վարչապետ Իրակլի Ղարիբաշվիլին:

Վրաստանի վարչապետ, Իրակլի Ղարիբաշվիլին, նախարարների կաբինետի անդամների հետ միասին, վետերանների մշակույթի և հանգստի պուրակում հարգանքի տուրք մատուցեց երկրորդ համաշխարհային պատերազմի զոհերի հիշատակին:

«Այսօր ֆաշիզմի դեմ տարած հաղթանակի 76-րդ տարեդարձն է: Ուզում եմ շնորհավորել մեր հերոս վետերաններին այս փառավոր օրվա կապակցությամբ: Սա մեծ հաղթանակի օր է, որին մասնակցել են մեր վրացի վետերանները: Ես ուզում եմ մեծ հարգանք ցուցաբերել նրանց հանդեպ, ովքեր իրենց զոհաբերեցին հաղթանակի հասնելու համար: Վրացիներս մեծ ներդրում ենք ունեցել այս մեծ հաղթանակը ձեռք բերելու և ֆաշիզմին պարտության մատնելու այս պատմական, դարի հաղթանակում:

Մեր բոլորի պարտքն է, միշտ գնահատել մեր վետերաններին, հիշել նրանց հերոսական գործերը և հարգանքի տուրք մատուցել նրանց, ովքեր իրենց զոհաբերել են այս մեծ պատերազմում», – հայտարարել է Իրակլի Ղարիբաշվիլին:

Վրաստանում մայիսի 9-ը Ֆաշիզմի վրա հաղթանակի օրն է: 1945 թվականի մայիսի 8-ին, Գերմանիայի կողմից կապիտուլյացիայի հռչակումից հետո, ավարտվեց երկրորդ համաշխարհային պատերազմը: Մայիսի 9-ը հայտարարվեց ֆաշիզմի դեմ տարած հաղթանակի օր: Երկրորդ համաշխարհային պատերազմը ծանրագույն հետք թողեց Վրաստանի վրա. Մեր երկիրը կորցրեց շուրջ 300 000 զինվոր:

Տարիներ շարունակ, պատերազմի վետերաններն ու հասարակության ներկայացուցիչները այս օրը ավանդաբար հավաքվել են Վակե զբոսայգում, հարգելու անհայտ զինվորի գերեզմանը: Սակայն այս տարի, վերականգնողական աշխատանքների պատճառով, Վակեի զբոսայգում ֆաշիզմի դեմ հաղթանակի օրվա տոնակատարություն չի անցկացվի: Թբիլիսիի քաղաքապետարանի հաղորդմամբ, երկրորդ համաշխարհային պատերազմի զոհերի հիշատակը հնարավոր կլինի հարգել՝ վետերանների մշակույթի և հանգստի (Կիկվիձեյի) այգում:

Թողնել մեկնաբանություն