Իսրաելի պաշտպանական ուժերի ներկայացուցիչները բացառում են իրենց կապը Բեյրութում տեղի ունեցած պայթյունի հետ
Իսրաելի պաշտպանական ուժերի ներկայացուցիչները բացառում են իրենց կապը Բեյրութում տեղի ունեցած պայթյունի հետ: Ավելի վաղ հաղորդվել էր, որ պայթյունի պատճառներից մեկը կարող է լինել իսրայելական հրթիռային հարձակումը՝ «Հեզբոլլահ» շարժման զենքի պահեստի վրա:
Նշված տեղեկության տարածումից հետո, Բեյրութի նավահանգստում հրթիռային հարձակման մասին տվյալները կտրականապես հերքել են նաև Հեզբոլլահ շարժման անդամները:
Լիբանանի անվտանգության գլխավոր տնօրենը «Ալ-Հադաթ» հեռուստաընկերությանը տված հարցազրույցում հրավառության պահեստի պայթյունի վարկածը համարել է «ծիծաղելի» և ասել, որ պայթյունը առաջացել է բարձրորակ պայթուցիկ սարքի պատճառով:
Լիբանանի նախագահ, Միշել Աոունը գումարել է գերագույն պաշտպանության խորհրդի նիստ:
Օգոստոսի 5-ը Լիբանանում հայտարարվել է սգո օր:
Լիբանանի մայրաքաղաք Բեյրութում պայթյունը տեղի է ունեցել մի քանի ժամ առաջ: