Հայաստանի Հանրապետության խորհրդարանում վարչապետի ընտրությունների գործընթացին զուգահեռ, Երևանի կենտրոնում շարունակվում է հանրահավաքը: Այս րոպեներին, ընդիմադիր «Ելք» կուսակցության առաջնորդ Նիկոլ Փաշինյանը կողմնակիցների հետ միասին երթ է անում փողոցներով և կոչ անում բնակչությանը միանալ ցույցին:
Այսօր, ընդիմության կողմնակիցները խորհրդարանի շենքի մոտ ծրագրում են անց կացնել լայնամասշտաբ բողոքի ցույց: Ցույցի մասնակիցների են սպասում նաև շրջաններից:
Բաղրամյան պողոտայի բոլոր ելումուտերը փակ են տարբեր տեսակի պատնեշներով: Տեղում մոբիլիզացված են հատուկ ջոկատայինները:
Ինչպես հայտարարել է Նիկոլ Փաշինյանը, ցուցարարները շարունակում են քաղաքացիական անհնազանդությունը, որպեսզի խորհրդարանը վարչապետի պաշտոնում չհաստատի Սերժ Սարգսյանին: Պատգամավորը նշել է, որ փակվելու են դեպի խորհրդարան տանող բոլոր ճանապարհները:
Ցուցարարների նպատակն է, նախկին նախագահ և վարչապետի թեկնածու Սերժ Սարգսյանին թույլ չտալ մտնել խորհրդարան:
Երեկ հանրահավաքի ժամանակ բախում է տեղի ունեցել ցուցարարների և ոստիկանների միջև: Տուժել է առնվազն երկու մարդ: Ոստիկանությունը հրապարակում տեղադրել է փշալարեր և ցուցարարների նկատմամբ կիրառել է հատուկ հնարավորություններ, այդ թվում ձայնային նռնակներ:
Ապրիլի 13-ին ընդիմադիր «Ելք» կուսակցության առաջնորդ, Նիկոլ Փաշինյանի կազմակերպմամբ սկսվել են բողոքի ցույցեր: Փաշինյանը և նրա կողմնակիցները բողոքում են իշխող կուսակցության կողմից վարչապետի պաշտոնում Սերժ Սարգսյանի ներկայացման դեմ: Խորհրդարանում նիստը տեղի է ունենալու վաղը, որի ժամանակ ընտրելու են նոր վարչապետին:
Հայաստանի Հանրապետությունը նախագահական կառավարման մոդելից անցել է խորհրդարանական կառավարման մոդելին: Անցած երկուշաբթի, իրավասությունների կատարումն է սկսել երկրի նորընտիր նախագահ Արմեն Սարգսյանը, որը օրենքի համաձայն ցրել է կառավարությունը:
