Բռնազավթված տարածաշրջաններում բնակվող բժիշկները, համապատասխան տարիքային խումբ մտնող անձինք հնարավորություն կունենան պատվաստվել, Վրաստանի կենտրոնական իշխանությունների կողմից վերահսկվող տարածքում
Բռնազավթված տարածաշրջաններում բնակվող բժիշկները, համապատասխան տարիքային խումբ մտնող անձինք հնարավորություն կունենան պատվաստվել, Վրաստանի կենտրոնական իշխանությունների կողմից վերահսկվող տարածքում

Վրաստանում ընթացող կովիդի դեմ իմունիզացիայի ծրագրին ներգրավվելու հնարավորություն է տրվում Վարստանի՝ Աբխազիայի և Ցխինվալի տարածաշրջաններում բնակվող բուժաշխատողներին, համապատասխան տարիքային խումբ մտնող անձանց, ովքեր կկարողանան պատվաստվել Վրաստանի կենտրոնական իշխանությունների կողմից վերահսկվող տարածքում,- այս մասին հայտարարել է Վրաստանի հաշտեցման և քաղաքացիական հավասարության հարցերով պետական նախարար, Թեա Ախվլեդիանին:

Ինչպես նշել է Թեա Ախվլեդիանին, Վրաստանում հաստատված ազգային ծրագրի համաձայն, «կովիդ 19»-ի պատվաստման գործընթացն իրականացվում է փուլերով:

«Տրամադրված չափաբաժիններին զուգահեռ տեղի է ունենում առաջնահերթ խմբերի ապահովում, որն այնուհետև տարածվելու է նաև այլ քաղաքացիների վրա: Այսօր մենք հնարավորություն ունենք տեղեկացնելու ձեզ, որ Վրաստանում հակակովիդյան իմունիզացիայի ներկայիս ծրագիրը թույլ է տալիս Վրաստանի՝ Աբխազիայի և Ցխինվալիի շրջաններում բնակվող, բժշկական ոլորտի ներկայացուցիչներին և համապատասխան տարիքային խմբի մարդկանց, պատվաստվել Վրաստանի կենտրոնական կառավարության կողմից վերահսկվող տարածքում: Այս գործընթացի հետ կապված ընթացակարգերը և սխեման, համապատասխան այլ գերատեսչությունների հետ սերտ համագործակցությամբ, սահմանում է Վրաստանի առողջապահության նախարարությունը, որը կտարածի նշված տեղեկատվությունը», – ասել է Թեա Ախվլեդիանին:

Թողնել մեկնաբանություն