Այլևս չենք պատրաստվում քննարկել ընտրական համակարգի նախաձեռնությունը, կոչ ենք անում օպոնենտներին, ժողովրդի աջակցությունը չունենալու մեջ չմեղադրել ընտրական համակարգին. Կախա Կալաձե
Այլևս չենք պատրաստվում քննարկել ընտրական համակարգի նախաձեռնությունը, կոչ ենք անում օպոնենտներին, ժողովրդի աջակցությունը չունենալու մեջ չմեղադրել ընտրական համակարգին. Կախա Կալաձե

Կոչ ենք անում օպոնենտներին, պատրաստվել ընտրություններին և ժողովրդի աջակցություն չունենալու մեջ չմեղադրել ընտրական համակարգին,- այս մասին «վրացական երազանք» կուսակցության գլխավոր քարտուղար, Թբիլիսիի քաղաքապետ՝ Կախա Կալաձեն հայտարարել է կուսակցության գրասենյակում կայացած ճեպազրույցի ժամանակ:

««Վրացական երազանք – ժողովրդավարական Վրաստան» կուսակցության անունից ցանկանում եմ հասարակությանը պարզաբանել, թե ինչ գործընթացներ են ընթանում վերջին օրերին: Երեկ բոլորը հստակ տեսան, որ բողոքի ցույցի իրական կազմակերպիչը «Ազգային շարժումն» է ՝ իր մասնաճյուղերով: Այս հանրահավաքի պատճառը համամասնական ընտրակարգին անցնելն է, սակայն իրական նպատակը քաղաքական գործընթացն ապակառուցողական ռելսերի վրա տեղափոխելն է:

Հիշեցնեմ, որ այս քաղաքական ուժը տարիներ շարունակ սահմանադրական մեծամասնությամբ ղեկավարում էր երկիրը և երբևէ չի մտածել փոխել ընտրական համակարգը: Ավելին, 2010 թվականին այնպես է իրականացրել սահմանադրական փոփոխությունները, որ նույնիսկ չի քննարկվել ընտրական համակարգի փոփոխության հարցը: Ոչ «ազգային շարժումը» և ոչ էլ այդ գործընթացին ներգրավված ուժերը չեն մտածել դրա մասին, իսկ այժմ ցույց են անց կացնում խորհրդարանի մոտ»,- ասել է Կախա Կալաձեն:

Կախա Կալաձեի հայտարարությամբ, համամասնական ընտրակարգին անցնելու համար ոչ մի բան չի ձեռնարկել նաև Դավիթ ՈՒսուփաշվիլին:

Նրա խոսքով, ցանկանում են ընդիմախոսները դա ճանաչել թե ոչ, «Վրացական երազանքը» կլինի միակ քաղաքական կուսակցությունը որը նախաձեռնել է համամասնական ընտրակարգին անցնելու վերաբերյալ սահմանադրական փոփոխությունները:

Թողնել մեկնաբանություն