«Каха Калаӡе изҩыдоу аҧсҭазаашьа иадҳәаланы имариоу аинициатива цәыригеит. Иара акандидатцәа зегьы анаркотест аҟаҵара рыбжьеигоит, аха, ари аинициатива аҳәалахара зызцәырнагаз ауаа иҟоуп», — иҳәеит «Ақырҭуа гәахәтәы» ахантәаҩы Иракли Кобахиӡе.

Иара иажәақәа рыла, ақалақь ахада иҭыҧ азы егьырҭ акандидатцәа Гахариа ари атема дшазныҟәо  анырба, иара ишидгыло аарыцҳаит.

«Гахариа анаркотест аҟаҵаразы мап икит, убри алагьы иубарҭоуп иара  анаркотикқәа ирыдҳәланы апроблемақәа шимоу. Егьырҭ акандидатцәагьы, Никанор Мелиа данрылаҵаны,  Гахариа иҿыҧшны, анаркотест аҟаҵаразы мап ркит.  Дара Гахариа ари атема дшазныҟәо анеилыркаа, ишидгыло аарыцҳаит. Убри алагьы иубарҭоуп аконкреттә политикатә партиақәа рыбжьара алианс шыҟоу», — иҳәеит Кобахиӡе.

Уажәааны Гахариа ааицҳаит анаркотест аҳәаанырцә ишыҟаиҵо. Абри аҳәамҭа иадҳәаланы Кобахиӡе ишиҳәаз ала,  Гахариа  Калаӡе иинициатива дацәцар иҭахуп, избанзар атест алҵшәа дацәшәоит.