Ҭинатин Берӡенишвили - Италиа Ауаажәларратә дырраҭареи (RAI) Азиа – Аокеан ҭынч адырраҭаратә еидгылеи авебинар ABU-RAI Days аспикер
Қырҭтәыла Актәи аканал агенералтә директор Ҭинатин Берӡенишвили Италиа Ауаажәларратә дырраҭареи (RAI) Азиа – Аокеан ҭынч адырраҭаратә еидгылеи авебинар ABU-RAI Days аҿы ажәахә ала дықәгылоит.
ABU-RAI Days асериа ахҧатәи аҭыжьра мҩаҧысуеит рашәара 14-15рзы, Милан ақалақь аҿы, иара убас, аамҭакала, онлайн-гибридтә режим аҿгьы.
Авебинар атема — «Апандемиа аамышьҭахьтәи адунеи аҿы атолерантреи аилибакаареи рырҕәҕәара». Аусмҩаҧгатә раҧхьатәи амш азы Ҭинатин Берӡенишвили асуперпанель аҿы, егьырҭ амедиа – менеџьерцәа драцәажәоит абарҭ атемақәа рзы: зеиҧшҟамлац апроблемақәа рҟынтә иҭышәынтәалоу аӡбарақәа рҟнынӡа — ауаа амедиеи адемократиеи рахь агәрагара рзыхынҳәра аҿы ауаажәларратә медиа инанагӡо ароль.
Ҭинатин Берӡенишвили лыдагьы, асуперпанель рхы аладырхәоит: Италиа Ауаажәларратә дырраҭара агенералтә директор Марсело Фоа, Азиа – Аокеан ҭынч адырраҭаратә еидгыла амаӡаныҟәгаҩ хада Джавад Мотаги, Европатәи адырраҭаратә еидгыла (EBU) агенералтә директор Ноель Курран, убас егьырҭгьы.