Урс Хæдзар Уæрæсе æмæ Башар Асады тыхтæй Дамаскъмæ хæстæг лæууæг скæсæн Гъутайыл бырсæнцыд фæуромын куры. Уый фæдыл дзрдæуы Урс Хæдзары публикацигонд хъусинаджы.
«ИНО-йы æдасдзинады совет резолюци расты бирæхаттон фæкуылымпыйы тыххæй, Уæрæсе адарддæр кодта резолюци аууæлтты ницæмæ дарын æмæ æнаххос сабырадон цæрджыты марындзинад контр-террористон операциты æфсонæй» – дзырдæуы Урс Хæдзары фидиуæны.
Дональд Трампы администраци скæсæн Гъутайы уавæры абарста 2016 азы Алеппойыл бомбæтæ калынимæ.
Вашингтоны бæрæггæнæнтæй, 24-28 февралы периоды Хмеймы авиабазæйæ уырыссаг хæдтæхджытæ æрвылбойнонæй 20 хæстон атахт æххæст кодтой скæсæн Гъутайыл бомбæтыæ æркалынæн.
«Асады режим æмæ йæ æмцæдисонтæ Мæскуы æмæ Тегераны хъуамы сæххæст кæной ИНО-йы æдасдзинады советы резолюци æмæ бауромой Гъута æмæ йæ алфæмбылæтты хæцæн архæйдтытæ» – банысангонд у Урс Хæдзары фидиуæны.
