Иванэ  Джавахишвилийы  номыл Тбилисы  паддзахадон университеты  цæуы æхсæнадæмон конференци  «Гуырдзиаг-ирон ахастыты  рапарахаты  перспективæтæ».

Фæнысангонд конференци ацы  аз  æхсæзæм хатт цæуы  æмæ гуырдзиаг-ирон кæрæдзион ахæт фæарфдæр кæнын у  йæ нысан.

«Ковид-19»-ы пандемийы  тыххæй  ацы  аз  конференци цæуы  онлайн форматы  æмæ нывонд у  номдзыд гуырдзиаг фыссæг  æмæ æхсæнадон архайæг, Даниел Чъонкадзейæн æмæ ирон  фыссæг Цорæты Василæн.

«Конефренци ацы аз æхсæзæм хатт цæуы, æрвылазон  формат йын ис.  Афæдзы мидæг иу  хатт, октябры  мæйы   иу  ацæуы   æмæ æрвылазонæй  нывонд вæййы   гуырдзиаг æмæ  ирон дзыллон архайджытæн, кæцытæ  растдæр   гуырдзиаг-ирон кæрæдзион ахæт рапарахат кæнын архайдтой.  Ацы аз  конференци  нывонд у  номдзыд фысæг, æхсæнадон архайæг Даниел Чъонкадзейæн, афтæма номдзыд  ирон æхсæнадон архайæг  Цорæты Василы  номæн.  Даниел Чъонкадзе  æмæ Цорæты  Васил  стыр хайбавæрд скодтой  гуырдзиаг-ирон ахастыты  рапарахаты хъуыддаджы. Бамбырд кодтой  ирон  фольклор, кæцы фæстæдæр публикацигонд дæр уыд.  Афтæма, Тбилисы   удон семинарийы сæ ахуыр  кодтой ирон æвзаг.

Конференцийы  æрвылазонæй иу хайад исынц  ахуыргæндтæ   Гуырдзыстоны æмæ фæсарæнты  университеттæй  æмæ  иртасаг  центртæй.   Ацы аз конференцийы ис 90-æй  фылдæр  хайадисæг, сæ нымæцы  Цæгат Кавказы  республикæтæй, афтæма Италийæ, Германийæ æмæ æнд.  Практиконæй  хайадисджыты  фылдæр сты  фæсарæйнæгтæ, уый та махæн стыр престиж у. Конференцийæн  ис бæрзонд æууæнк  зонадон зылдты» радзырдта  Тбилисы паддзахадон  университеты  профессор,  конференцийы организацигæнæг  Нино Попиашвили.

Æхсæнадæмон  конференци знон  байгом æмæ йæ  хайдисджытæм арфæйы ныхасæй рацыд Тбилисы  паддзахадон университеты  ректор  Гиорги Шервашидзе.

Конференци дыууæ-бонон  у   æмæ абон,  боны кæронмæ  аххæсдзæн.