Тбилисы цæуы  6-æм  æхсæнадæмон   конференци «Слава Україні!», кæцы  байгоми  Гуырдзыстоны æмæ Украинайы гимнтæй.

Конференцийæн  фысым кæны  Маккейны институт æхсæнадæмон лидердзинадæн, Джордж Бушы  институт  æмæ  экономикон   политикæ иртасаг  центр.

Конференцийыл сты  æдадсзинады регионон эксперттæ, гуырдзиаг политиктæ, æмбæстагон активисттæ  æмæ бизнесы  минæвæрттæ. Конференцийæн йæ нысан у  Гуырдзыстоны Дунейы æмæ трансатлантикон   бонвæткы  приоритетон   бынат ма сфесафын, демократон  прогресси æмæ евроатлантикон  тырнынадтæн къухацаразын.

Организаторты информацийæ, дискусиийыл  æркæсинаг фарстатæ  сты: Уæрæсейы  бырст Украинамæ æмæ  Ныгуылæны реакци;  æфсæддон агрессийы  геополитикон   фæстиуджытæ;  змæстытæ регионы; хæсты æндæвдад  Европæйы  фидæныл; кæдæм фæцæуы Гуырдзыстон; Уæрæсейы  дарддæры къахдзæфтæ.

Конференцийы  агъоммæ  Гуырдзыстоны «NDI»-ы  офисы раздæры  къухдариуæггæнæг  Лора Торнтон  райхъусын кодта, цæмæй зæгъгæ нысаниуæгджын у  конференци Гуырдзыстоны кæй  цæуы уый.

Афтæма йæ дзырдæй,   Украинамæ алы бæстæ  хъуамæ  кæса куыд  æндиуддзинады  моделмæ, кæцы хъæуы  демократийы сæрыл  хæцынæн.

«Иттæг нысаниуæгджын у, ацы  конференци  Гуырдзыстоны  кæй  цæуы  уый.  Уый у  зæрдылдарæн  уыцы  сахъдзинады, кæцы равдыстой  украинæгтæ.  Украинайы æмбæстæгтæ, кæцытæ  ацытæккæ  хæцынц  сæ   демократийы тххæй.  Мæ хъуыдымæ гæсгæ, алчи, æмæ сæ нымæцы,   мæ бæстæ дæр, хъуамæ райса  сæ цæвиттон æмæ  Украинамæ  кæсæм куыд     сахъдзинады  уыцы моделмæ, кæцы хъæуы  демократи бахъахъхъæнынæн. Æхсызгон у  ацы  конференци Гуырдзыстоны  кæй цæуы, уымæн æмæ   уый у  сидт Гуырдзыстоны дæр», –   райхъусын кодта  Лора Торнтон.