Сирийы сахар Камишлийы æмбæстæгтæ, америкаг æфсæддæттыл дуртæ ныккалдтой
Сирийы сахар Камишлийы æмбæстæгтæ, америкаг æфсæддæттыл дуртæ ныккалдтой. Инцидент уæд æрцыд, америкаг æфсæддон техникæ, Сирийæ куы рацæйцыд æмæ Иракы æрдæм куы змæлыд.
Æмбæстæгтæ америкаг æфсæддæттыл дуртæ æхстой æмæ хъæр кодтой зæгъгæ – «Мæнгард амеркæгтæ, ацæут».
Инциденты æвдисæг видео, курдаг инфомацион агентад ахæлиу кодта.
Бакой уын кæндзыстæм, цæмæй америкаг æфсæддæтты ракæныны бардзырд, Дональд Трамп, уый фæстæ радæтта, Сирийы цæгат хайы, Турк æфсæддон операци куы райдыдта.
АИШ-ы президенты уынаффæ сирийаг курдæгтæ, кæцытæ АИШ-ы æмцæдисонтæ уыдысты, «Исламы Паддахадимæ» тохы, Вашингтоны гадзрахатдзинадыл банымадтой.