Евроцæдисы бæрзонддæр минæвар, Еврокомиссийы вице-президент,  Жозеп Борел Гуырдзыстонмæ  абон фæуазæг уыдзæн.

Евроцæдисы æддæг архæйдтыты  куысты  хъусын кæнынц, цæмæй  бæстæмæ Борелы фыццаг официалон визит  нырыккон  æххæстбартимæ,  ратдзæн йын фадат, æркæса прогресс Гуырдзыстоны Евроинтеграцийы  фæндагыл æмæ  афтæдæр  баива  хъуыдытæ  бирæ уæрæхдæр  æддагон  политикæйы æмæ  регионон фарстаты фæдыл.

Визиты фæлгæтты Бæрзонддæр минæвар  райсдзæн Гуырдзыстоны президент Саломэ Зурабишвили. Евроцæдисы бæрзонддæр минæвар  афтæдæр фембæлдзæн  Гуырдзыстоны  премьер-министр Ираклий Гъарибашвилиимæ.  Премьер-министримæ фембæлды фæстæ иумæйаг  пресс-конференци  ацæудзæн.

Борел  афтæдæр фембæлдзæнис  Гуырдзыстоны фæсæран хъуыддæгты министр Илиа Дарчиашвилиимæ.

«Евроцæдисы вице-президент  афтæдæр спайда кæндзæн фадатæй, фембæла  парламенты  уæвæг  алы политикон  партийы  минæваримæ æмæ  ауадза  дискусси æмбæстагон дзыллæйы  минæвæрттимæ.

Бæрзонддæр минæвар, вице-президент  визиты рæстæджы банысан кæндзæн Евроцæдисы цæстдарæг миссийы  уæвыны  15 азы сæр  Гуырдзыстоны, кæцы æвдисы  Евроцæдисы иузæрдыгдзинад  Гуырдзыстоны  æдасдзинады æмæ  конфликтты сабырæй аскуыддзагы позицимæ. Уый  хайад райсдзæн Евроцæдисы  цæстдарæг миссийы  организацигонд активондзинады администрацион арæны дæргъмæ», – дзырдæуы  Евроцæдисы æддæ архæйдтыты  куысты  ахæлиугонд информацийы.

Жозеп Борелы Гуырдзыстонмæ визит   8 сентябр хынцгæйæ адарддæр уыдзæн.