Саломе Зурабишвилиимæ фембæлдтæн æмæ гуырдзиаг адæмимæ, кæцытæ аккаг фидæныл тох кæнынц, мæ солидарондзинад равдыстон – уый фæдыл социалон хызагы фыссы Украинæйы президент Володимир Зеленский.

Зеленскийы ныхасмæ гæсгæ, Уæрæсейы нысан у Сау Денджызы стратегион контрол.

«Парижы фембæлдтæн Гуырдзыстоны президент, Саломе Зурабишвилиимæ. Æз расидтæн æххæст фарсылхæцындзинад æмæ солидарондзинад гуырдзиаг адæмæн, кæцытæ тох кæнынц сæ намысджын фидæныл; Æз бахахх кодтон, цæмæй гуырдзиаг адæмы фæндонæн аргъ кæнын æмæ Иванишвилийы хицауадæн бæстæйы Путинмæ раттынæй бауромын регионы стабилондзинадæн æмæ фидæнæн æнæмæнгхъæугæ у.

Уæрæсейæн ныхас æрмæст Гуырдзыстоны тыххæй нæу – ныхас цæуы Сау денджызы регионы контролыл, кæцы у Уæрæсейы стратегион нысан, кæцы националон æдасдзинадæн тæссагдзинад хæссы регионæн æмæ æнæхъæнæй Европæйæн. Æз ныфс бавæрдтон президент Зурабишвилийæн, цæмæй Украинæ йæ партнертимæ координаци кæндзæн æрмæст Европæйы нæ фæлæ глобалон масштабæй, цæмæй сифтонг кæна системон реагирдзинад æмæ фарсылхæцындзинад гуырдзиаг адæмæн сæрибар æмæ хæдбарæй цæрыны бар бахъахъхъæныны тыххæй», – фыссы Зеленский социалон хызагы.