Володимир Зеленски – Украинæгты фæнды хæст кæрон скæнын, фæлæ сабырдзинад цыфæнды аргъæй зæрдæмæдзæугæйыл нæ банымайдзысты
Украинæгты фæнды хæст кæрон скæнын, фæлæ сабырдзинад цыфæнды домæнтæй зæрдæмæдзæугæйыл нæ уыдзæн – уый фæдыл Украинайы президент Володимир Зеленски, «Эсошиэйтед прессимæ» интервьюйы райхъусын кодта.
Украинайы президенты дзырдæй, алы хæст зæгъгæ кæддæрты фæвæййы æмæ цæугæ хæсты кæрон скæнын нысаниуæгджын у.
Зеленски загъта, цæмæй ныгуылæйнаг партнертæй лæвæрд иуæй-иу хуызы хæцæнгарз, бынатмæ тынг рæгмæ ныххæццæ ис. Фарстыл, райста æви нæ Украина уый йас хæцæнгарз, цæмæй хæстмæ ивдтытæ бахæсса, президент дзуапп ратта,ц æмæй «нрыма нæй».
Украинайы президенты дзырдæй, Украинайы позици Уæрæсеимæ бадзырдты комкоммæ баст у Украинайы гарзджын тыхты æнтыстимæ алы рдгæй.
«Мариупол у абон хæсты тæккæ астæу. Уым хæцынц, хæцæм, тыхджын стæм. Мариупол хæцын куы ныууадза, нæ позици бирæ лæмæгъдæр уыдзæн. Адон уыцы адæм сты, кæцытæ ныхкъуыр раттой стыр нымæцæй знагæн. Цас тыхджындæр уыдзæн нæ позици Мариуполы, уый бæрц тыхджын уыдзæн нæ позици бæстæйы хурыскæсæны æмæ нæ позицитæ ноджы тыхджындæр уыдзысты иугонд опреациты тыхты зонæйы. Æмæ кæд адарддæр уыдзысты, уæд бадзырды фынг махæн хæстæг дæр уыдзæн, уыдзæн ныны уæлидзинад Уæрæсейы Федерациимæ диалогы»- райхъусын кодта Зеленски.