Володимир Зеленский рапарахат кодта бардзырд, цæмæй Гуырдзыстоны 20 æмбæстагæн Украинæмæ бацæуын, бизнес аразын, мулк балхæнын æмæ Украинæйы финансон активты æрурома. Уый фæдыл информаци украинаг медиа парахат кæны.

Медийы информацийæ, арæнæвæрдтæ Гуырдзыстоны раздæры премьер-министр Бидзина Иванишвили æмæ ноджы 19 адæймагæн уыдзæн æвæрд.

«Æз æрæджы бафыстон бардзырд, цæмæй æххæст æрцæуа националон æдасдзинады советы уынаффæ санкциты фæдыл. Снысангонд санкцитæ Гуырдзыстоны хицауады уыцы фарсæй уыдзæн æвæрд, кæцы Гуырдзыстоны Путинмæ радта. Украинæ Иванишвилийы ныхмæ сæрмагондæй æмæ йæ æмгарты ныхмæ санкцитæ сфидар кодта – 19 адæймагмæ. Уыдон сты, Гуырдзыстоны æмæ йæ адæмы интерестæ чи уæй кæны, уыдон. Сидæм Европæмæ, Америкæмæ, дунейы алкæмæ дæр ахæм хуызы архайой, принципонæй архайой», – зæгъы Зеленский йæ раныхасы.

Зеленскийы ныхасмæ гæсгæ, фæстиатгонд кæнæ æнæпринципон архæйдтыты фæстæ, гæнæн ис æмæ фесæфой дæсгай азтæ æмæ сæрибардзинадæй цухгонд бæстæтæ.

«Ацы регионы ничи фесæфдзæн – нæдæр Гуырдзыстон, нæдæр Молдовæ, нæдæр Украинæ» – райхъусын кодта Зеленский

Украинайы президенты веб-фарсыл публикацигонд барамынды ис фыст, цæмæй санкцитæ снысан уыдзысты Бидзина Иванишвили, Каха Къаладзе, Гиоргий Лилуашвили, Михаил Чинчаладзе, Вахтанг Гомелаури, Мамука Мдинарадзе, Отари Фарцхаладзе, Рухадзе Иракли, Мурусидзе Леван, Джапаридзе Виктор, Саммитридзе , Хайндрава Гиорги, Къобахидзе Ираклий, Къобахидзе Гиорги, Шаламберидзе Звиади, Тадумадзе Шалва, Цъулукиани Теа, Карселадзе Иракли, Бекаури Каха.

Номхыгъдмæ хаст адæймæгтæн сæ финансон активтæ Украинæйы дæс азы æмгъуыдмæ æрцæудзысты æхгæд, Украинæйы сын уыдзæн тобæгонд бизнес, Украинæмæ бацæуыны , сæ визæтæ сын ист æрцæудзысты,  балхæнын дæр сын уыдзæн тобæгонд  зæхх Украинæйы.