Украинайы президент Владимир Зеленскийы расидæнмæ гæсгæ, Украинæйы территориты раттын гæнæн ис æрмæстдæр украинаг адæмы разыдзинадæй. Уый фæдыл Зеленский францаг рауагъдад «Le Monde»-имæ интервьюйы сарæзта.

Йæ ныхæстæм гæсгæ, æнæ украинаг адæмы разыдзинадæй Уæрæсейæн территоритæ раттын нæ хъавы.

«Хъуамæ æмбарат, цæмæй Украинæйы территорион æнæхъæндзинадимæ баст цыфæнды æскъуыддзаг иунæг президентæн нæй гæнæн рахæсса иунæг президентæн, иу адæймагæн, нæдæр æнæхъæн дунейы президенттæн сæ бон нæу ацы æскъуыддзаг райсын æнæ украинаг адæмы хайадистæй», – райхъусын кодта Зеленский.

Зеленскийы расидæнмæ гæсгæ, Украинæйы хицауадæн официалон бар нæй территоритæ æндæр искæмæн раттын.

«Украинæйаг адæмы уый хъуамæ бафæнда», – райхъусын кодта Зеленский.

Уымæй уæлдай ма, Украинæйы президент куыд расидтис, афтæмæй нымадмæ райсын хъæуы уый дæр, æмæ Владимир Путин цыфæнды ахæм концесси дæр æнкъары куыд уæлахиз, æмæ уымæ гæсгæ уый у вазыгджын фарста.

Le Monde-имæ интервьюйы Владимир Зеленский афтæ дæр расидтис, цæмæй йæ фæнды Уæрæсейы минæвæртты фенын дыккаг сабырадон саммитыл, кæцы нысангонд у ноябрмæ.

Информацийæн, Украинæйы конституцийы 73-æм статьямæ гæсгæ, территорион ивддзинæдтæ æрмæстдæр референдумы бындурыл ис бар. Конституцийы 133-æм статьяйы нысангонд сты Украинæйы æппæт регионтæ. Се `хсæн Уæрæсе æнæзакъонæй бацахста Хъырымы æрдæгсакъадах, Донецкы, Луганскы, Херсоны æмæ Запорожьейы районтæ. Конституцимæ ивддзинæдтæ бахæссыны тыххæй хъæуы парламенты депутатты дыууæ æртыккаг хайы разыдзинад.