Украинæйы президент Владимир Зеленский расидтис, цæмæй æнхъæлмæ кæсы Уæрæсейы æрдыгæй æхсты фæурæдмæ 12 майæ æмæ йæхæдæг фембæлдзæн Кремлы лидер Владимир Путинимæ 15 майы Турчы.

“Мах райсомæй æнхъæлмæ кæсæм æхсты фæурæдмæ – æххæст æмæ æнæфæцудгæ, цæмæй дипломатийæн раттæм æнæмæнгхъæуæг бындур. Лæгмард адарддæр кæнынæй пайда нæй. Æмæ цыппæрæмы æнхъæлмæ кæсдзынæн Путинмæ Турчы. Ныфс мæ ис, ацы хатт уырыссæгтæ кæй нæ райдайдзысты агурын аххосæгтæ, цæмæн сæ бон нæу”, — банысан кодта Зеленский.

Уæ информацийæн, Уæрæсейы президент Владимир Путин 15-æм майы Стамбулы ныхас сног кæнын Украинæйæн бавдыста.

Уымæй уæлдай ма, АИШ-ы президент Дональд Трамп Украинæйы президент Владимир Зеленскиймæ æрсидтис, цæмæй 15-æм майы Турчы Путинимæ фембæлдыл сразы уа.