Уæрæсейы президент Владимир Путин Украинæйæн бадзырдтæ сног кæныны фæндон дæтты.

Кремлы журналисттимæ ныхасы рæстæджы, Владимир Путин Украинæйæн бавдыста комкоммæ бадзырдты сног æмæ снысан кодта бæлвырд датæ – 15 май – æмæ бынат – Стамбул.

“Мах никуы не сразы стæм украинаг фарсимæ диалогмæ бацæуынæй. Уæ зæрдыл уын æрлæууын кæнæм, мах 2022 азы бадзырдтæ кæй нæ баурæдтам, уый сарæзта украинаг фарс. Æппæтмæ æнæкæсгæйæ, мах Киевы хицауадмæ фæндон хæссæм, цæмæй сног кæной бадзырдтæ, кæцытæ 2022 азы кæрон баурæдтой, æнæ исты уæлæмхасæн уавæртæй”, — загъта Путин.

Владимир Путин расидтис, зæгъгæ, уый фæнд кæны сом Турчы президент Реджеп Тайип Эрдогъанимæ ныхас кæнын æмæ дзы ракурын, цæмæй ратта фадат Турчы бадзырдтæ ауадзынæн.

Уæрæсейы президент афтæдæр нæ аиуварс кодта бадзырдты рæстæджы æхсты фæурæды бадзырдмæ баххæсын.

«Мах нæ аиуварс кæнæм, цæмæй ацы бадзырдты рæстæджы уыдзæн гæнæн ног фидауынад æмæ æхсты фæурæды фæдыл бадзырдмæ баххæсын, æмæ æцæг фидауынд, кæцыйы æххæст кæндзæн æрмæст Уæрæсе нæ, фæлæ ма украинаг фарс дæр. Уый уыдаит фыццаг къахдзæф дæргъвæтин, æнæфæцудгæ сабырады æрдæм, æмæ нæ фæлæ хæцæнгарзы фæстæ конфликты адарддæр кæныны пролог Украинæйы гарзджын тыхты штатон æгъдауæй ифтонг кæнын кæй хъæуы ахæм сабырад?» – загъта Путин.