Уæрæсейы президент Владимир Путин загъта, цæмæй Уæрæсе цæттæ у Украинæйы æдасдзинады гарантитыл бакусынмæ.

«Цæмæй Украинæйы хæст фæуа, уый тыххæй хъæуы скуынæг кæнын конфликты бындурон аххосæгтæ» – райхъусын кодта Путин.

Уымæй дарддæр ма, Путин АИШ-ы президентимæ пресс-конференцийыл куыд расидтис афтæмæй, Дональд Трампимæ йын ис иттæг хорз, хъуыддагон æмæ æууæнкджын контакттæ.

«Мæнæн ис æппæт аххосæгтæ, цæмæй уырна, цæмæй ацы фæндагыл цæугæйæ, махæн нæ бон уыдзæн Украинайы конфликтæн кæрон скæнын» – райхъусын кодта Уæрæсейы президент.

Уый ма загъта, зæгъгæ, йæ зæрдæ дары, Аляскæйы арæзт бадзырдтæ кæй суыдзысты Украинæйы проблемæйы æрбæстон кæныны æмæ Уæрæсе æмæ АИШ-ы æхсæн ахастытæ сног кæныны бындур. Уæрæсейы президент ма равдыста ныфс, цæмæй Киев æмæ Европæ цæлхдуртæ нæ сараздзысты конфликты æрбæстон кæныны хъуыддаджы цы прогресс æрцыд, уымæн.

Дональд Трамп æмæ Владимир Путин фембæлдысты æртæ-æртæ форматы Анкориджы, Аляскæйы. Фембæлдыл АИШ-ы паддзахадон нымæрдар Марко Рубио æмæ америкаг фарсы сæрмагонд минæвар Стив Виткофф истой хайад. Уæрæсейаг фарсæй архайдтой фæсарæйнаг хъуыддæгты министр Сергей Лавров æмæ Уæрæсейы президенты уынаффæгæнæг Юрий Ушаков. Фембæлды фæстæ, кæцы нарæг форматы сырæзт, лидертæ сарæзтой иумæйаг пресс-конференци æмæ бадзырдты фæдыл расидæнтæ сарæзтой.