Венесуэлæйы сæйраг сахар Каракасы протестон митингыл оппозицийы мингай фарсылхæцджытæ æрæмбырд сты æмæ президентон æвзæрстыты оппозицион кандидат Эдмундо Гонсалесы уæлахиз банымайын домдтой.

Оппозицийы лидер, Мария Корина Мачадо демонстрацийы хайадисджытæм раныхас кодта, кæцытæ фарсылхæцджытæм басидтысты уынгты баззайынмæ æмæ æрдомдтой æвзæрстыты фæстиуджыты хæдбар æхсæнадæмон бæлвырдгæнæн.

Оппозицийы фарсылхæцындзинады демонстрацитæ уагъд æрцыдысты Венесуэлæйы æндæр горæтты, афтæ дæр дунейы æндæр æмæ æндæр бæстæты, се æхсæн Аргентинæйы, Мексикæйы, Чилийы, Испанийы æмæ АИШ-ы.

Венесуэлæйы президентон æвзæрстытæ уагъд æрцыдысты 28-æм июлы. Бæстæйы æвзарæн орган ныры президент Николас Мадуройы 52% хъæлæстæй уæлахиздзауæй расидтис, кæцыйы фæстæ бæстæйы протесттæ сырæзтысты. Оппозици йæхи хъæлæсты нымайыны фæстиуджытæ ныммыхуыр кодта, кæцымæ гæсгæ оппозицийы кандидат æвзæрстыты фæуæлахиз ис. Протесты рæстæджы 2400 адæймагæй фылдæр æрцахстой, быцæудзинады фæстиуæгæн та 23 адæймаг фæмард.

Николас Мадуро у Венесуэлæйы президент 2013 азæй фæстæмæ.