Украинаг æфсæдтæ Уæрæсейы Курскы областы æндæр хидыл бабырст сарæзтой. Украинæйы уæлдæфон тыхтæ парахат кæнынц æмбæлон информаци.

«Курскы здæхт, минус ноджы иу хид. Уæлдæфон тыхты авиаци дарддæр кæны знаджы цух кæнын логистикон фадæттæй бæлвырд уæлдæфон æхстытæй, кæцы нысаниуæгджынæй æндавы хæстон операциты цыдыл», — ныффыста уæлдæфон тыхты командæгæнæг Николай Олещук.

Уый размæ уæрæсейаг æмæ украинаг телеграммон каналты апарахат ис информаци, цæмæй Украинæйы гарзджын тыхтæ бабырст сарæзтой Семы цæугæдоны дыккаг хидыл, Званойы хъæуы. Уæвæг хъусынгæнинæгтæм гæсгæ, ацы хид раздæр ифтонг кодта Уæрæсейы æфсæддон дæлхайæдтæ Курскы ’рдæм.

Фæлæ уый размæ Украинæйы авиаци Курскы районы Глушковойы хъæуы хид ныппырх кодта.