Уæрæсейы  оккупацион тыхтæ  Украинайы   æфсæддон æмæ æмбæстагон  объектты ныхмæ   авд   ракетон æмæ 25  авиацион  хафт сыххæст кодтой, афтæма  20 хатты   бакодтой  æхст   реактивон системæтæй.  Уый фæдыл  Украинайы  гарзджын тыхты  генералон   штабы  оперативон   информацийы  мидæг дзырдæуы.

Хуырыссаг æфсæддæттæ   базырджын  ракетæтæ æмæ æнæпилот тæхæн аппараттæй  архайдтой.  Украинайы уæлдæфон  хъахъхъæды  тыхтæ  цыппар  ракетæ сæнæнзианхъом кодтой.

Украинайы  æфсады генштабы  информацийæ, Уæрæсейы  фыдгæнæг æфсад дарддæр кæны   тыхархайды концентраци кæнын   Луганскы æмæ  Донецкы   регионты  оккупацийыл.  Ивгъуыд  боны мидæг  уУæрæсейы  оккупацион тыхтæ  23  бырст сыххæст кодтой, фæлæ  Украинайы   хъахъхъæнынады тыхтæ   алы  бырсты ныъкуырд скодтой.

Уæрæсейы  фыдгæнæг   æфсады  хайадтæ  Сумыйы зылдыл  бомбæкалд 22  хатт   сыххæст кодтой. Бомбæкалд афтæдæр уыд Харьковы  регионы.  Фæстиуæгæн  базиан ис  цæрæн хæдзæрттæ,  амард дыууæ сабыр æмбæстаг.