Украинайы атомон  энергийы  агентады  хъусын кæнынц, цæмæй сæм уырыссæгтæ   Запорожьейы  атомон   электростанцæ  спырх кæнынæй  æртхъирæн кæнынц.

«Энергоатомы» куыд  хъусын кæнынц афтæмæй,  Уæрæсейы радиацион, химикон æмæ биологион   хъахъхъæнынады   тыхты сæргълæууæг, инæлар-майор  Валери  Васильев  йе фсæддæттæн  загъта, цæмæй  «Запорожье уыдзæн  уырыссаг зæхх, науæд та  уый фестдзæн бынсыгъд  æдзæрæг ранæй».

Украинаг фарс куыд хуъсын кæны афтæмæй,  зæгъгæ сæм ис информаци, цæмæй  Уæрæсейы  гарзджын тыхтæ, Запорожьейы  атомон   электростанцæйы  электроблокты  рæмудзæн гарзæгтæ  сифтыгъдтой.

Украинайы  хицауады хъусинагæй,   6 августы  Уæрæсейы гарзджын тыхтæ   ракетон хафт ракодтой  горæт Энергодарыл, цы ран  Запорожьейы  атомон электростанцæ ис.  Ракетæтæ  сæмбæлдысты тæккæ  станцæйы фæзыл, кæцымæ хæстæг дæр ис   артагбакусæн  æвæрæн.