Уæрæсейы оккупацион   тыхты æрдгæй  Украинайы   Запорожьейы  бомбæкалды  фæстиуæгæн   дыууæ адæймаг  æхъуыд, иу   та фæцæф ис. Украинаг  медиайы  информацийæ,  хуырыссаг æфсæддæттæ  Запорожьейы  цæрæн  зонæйыл  бомбæкалдæн  «С-300» -ы типы   системæйы  ракетæтæй  спайда кодтой.

Бомбæкалды  фæстиуæгæн 33 хицæн цæрæн  хæдзар  базиан ис, иу та æнæхъæнæй ныккалдис.

Медиайы  хъусинагæй, Украинайы æфсад ивгъуыд æхсæв-боны мидæг   Уæрæсейы  æфсады 40  бырстæн    ратта нахкъуырд.  Украинайы æфсады генералон штабы   информацийæ,   сæрмагондæй  уæззау  уавæр  Бахмуты  æрдгæй ис, цы ран  Уæрæсейы  оккупацион тыхтæ  архайынц,  горæт æнæхъæнæй   сæхи  контролы бын бакæнын.

Украинаг  медиайы  информацийæ, интенсивон   хæстон архæйдтытæ   цæуынц Марьинка æмæ  Адеввкæйы   æрдгæй.   Украинайы  ракетон æмæ артиллерион хайадтæ   бомбæкалд ракодтой   уырыссаг æфсæддæтты   удæгас тыхы, æфсæддон  ифтонггæрзты æмæ  хæстæрмæгы   концентрацийы 11  сыхы,  электронон   хæсты  фондз   станцæйыл,  хæстæрмæг æвæрæн æмæ  знаджы   цыппар ракетон  зенитон  системæ.